2 Samwelo 1:11 - Baibo Busansulushi Bwa Libuku Ili

¹¹ Mpomunyaawo Defedi abashilumamba bakwe boonse bakakwamoona shakufwala shabo kubuumba.

2 Samwelo 1:11 ပူးပေါင်းရင်းမြစ်များ

Matalikilo 37:29

Lubeni ndyaakaboola pamukalo uyo akucana Josefu taamo, wakakwamoona shakufwala shakwe mubuumba.

Matalikilo 37:34

Jakobo wakakwamoona shakufwala mubuumba akufwala masaka. Wakamulila mwanaakwe kwa ciindi cilaamfu.

Matalikilo 44:13

Bamakwabo bakakwamoona shakufwala shabo kubuumba. Mpeeke bakatantika shifunta shabo pambongolo akuboolela kundabala inene.

2 Samwelo 13:19

Lyalo Tama wakalibika milota mumutwi akukwamuna cakufwala ico ncaakalinga kufwete. Mpeeke wakalikumbata kumutwi akuya cilila cakooloma nshila yoonse.

2 Samwelo 13:31

Mpeeke mwaami Defedi wakanyamuka, wakwamoona shakufwala shakwe akuliwaala panshi. Abalo basebenshi bakwe mbwaakalingaabo bakakwamoona shakufwala shabo.

2 Samwelo 3:31

Lyalo Defedi wakaambila Joabu abantu boonse mbwaakalingaabo ayi, “Amukwamoone shakufwala shanu, mufwale masaka munooya cilila kunembo lyakwe Abina.” Mwiine mwaami Defedi wakalinga kuya cilila pesule lya libokoshi.

2 Baami 5:7

Ono mwaami wa bene Isilaeli ndyaakabelenga nkalata iyo, wakakwamoona shakufwala shakwe akoolobesha ayi, “Sa nebo ndime Lesa? Sa inga ndacaya akubusha kuswa kubafu? Ceebonshi mwaami wa bene Silya ncaatumina muntu uyu ayi nshilike bulwashi bwakwe bwa manata? Ono mwalibonena ayi ulisunibo pakunsumwita!”

2 Makani 34:27

Wasanduka kuswa kushibiibi shako akulibombya pameenso angu kwiinda mukukwamoona shakufwala shako akulila ndiwakanyumfwa mbondakalinga kupinga kupa mulandu kundabala ya Jelusalemu abantu bekalaamo. Ono ndanyuumfwa kusenga kwako.

Esila 9:3

Ono ndindakanyumfwa boobo, ndakakwamoona shakufwala shangu akunonkola misusu alimwi andesu shangu mubukali. Lyalo ndakekala panshi mubuumba bunene abuumbi.

Esita 4:1

Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.

Jelemiya 36:24

Nabi mwaami abacinenenene bakwe boonse abo bakanyumfwa maswi oonse aya tabakwe kuloondaawo nabi kukwamoona shakufwala shabo kutondesha ayi bali mubuumba, sobwe.

Jowelo 2:13

Amukwamoone myoyo yanu kutondesha buumba kuteshi kukwamoona shakufwala shanu. Amuboole kuMwaami Lesa, Lesa wanu. Lakwe ngushiluse alimwi ngushinkumbu. Taakalali bwaangu alimwi ngushilusuno. Ulisunishi kulekelela kwiinda kupa mulandu.

Milimo ya Batumwi 14:14

Sombi Banabasi aPaulo ndibakanyumfwa ncebakalinga kusuni kucita, bakakwamuna shakufwala shabo akucicila pakati ka bantu abo kaboolobesha ayi,

Bene Loma 12:15

Amusangalale abaabo basangalete alimwi mulile abaabo batoolila.

Joshuwa 7:6

Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.