2 Pita 3:9 - Baibo Busansulushi Bwa Libuku Ili

⁹ Teshi kwaamba ayi Mwaami wacelwa kucita kweelana ambwaakashomesha, kweelana ambobayeeya bamwi. Sombi ucimukalikila moyo mukwiinga taasuni muntu nabi womwi kunyonyoolwa. Ncakwiila ulisuni kwaamba ayi boonse basanduke kuswa kushibiibi shabo.

2 Pita 3:9 ပူးပေါင်းရင်းမြစ်များ

Kulumbaisha 77:8

Sa lusuno lwakwe lutamaani pali ndiswe lwaitabo limwi? Sa kushomesha kwakwe kwamaninabo limwi?

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulonga 18:23

Na ukacite boobo kweelana abutokwaamba Mwaami Lesa, teshi ukalilemyeewo alimwi bantu boonse aba balaakunooya mumaandaabo, amilandu yabo keemanite.”

Kulonga 32:32

Ndakombelela amubalekelele. Sombi na mubule kubalekelela, mukushe liina lyangu mulibuku umo momwakalemba meena a bantu banu.”

Kulonga 33:11

Nkokwaamba ayi Mwaami Lesa wakalinga kubandika aMose, bweenka mbuli muntu mbwaamba amubye. Pesule, mose wakalinga kuboola kumusumba. Sombi Joshuwa mwanaakwe Nani uyo wakalinga shikumucafwa, wakalinga kwikalabo muTente ya Cipangano iyo.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Danyelo 4:29

Ono ndipakeendabo myeenshi likumi amyeenshi yobilo, mwaami Nebukadinesa kaaendaana peculu lya ŋanda ya bwaami ya cishi ca Babiloni,

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Bene Loma 13:11

Aboobo mulyeelete kucita sheeshi mukwiinga mulishi kwaamba ayi ciindi cakubuka kuswa mutulo cashikila. Ncakwiila bushiku Lesa ndyeshi akatupulushe bwasenena kwiinda nditwakashomabo.

Bene Loma 13:12

Ciindi ca mashiku camana butooyanda kuca. Ono atucileeke kucita shamumunshinshe, sombi tubwese shakulwanisha sha mumumuni.

Bene Loma 2:4

Nabi sa utoonyansha Lesa ceebo ca kwaamba ayi ngushinkumbu abuumbi alimwi taatondeshi bukali bwakwe paciindi ceenka ico, sombi ulatolelela kulekelela? Ncakwiila ulishi kwaamba ayi Lesa ncaabetele shinkumbu nkweelesha kwaamba ayi usanduke kuswa kushibiibi shako.

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

1 Timoti 1:16

Sombi nceceeco Lesa ncaakanyumfwila nkumbu kwaamba ayi kwiinda muli ndime, nemucita shibi wiindaawo, Klistu Jesu atondeshe bushimoyonteeka buteeli. Wakacita boobo kwaamba ayi mbe citondesho kubaabo boonse beshi bakashome muli nguwe akutambula buumi butamaani.

1 Timoti 2:4

uyo usuni kwaamba ayi bantu boonse bakapulushikwe akwishiba shalushinisho.

Bene Ebulu 10:37

Kweelana abwaamba Malembo akwe Lesa ayi, “Kwacaalabo ciindi ciniinibo kwaamba ayi uyo weelete kwisa ashike, teshi acelweewo, tau.

1 Pita 3:20

Mishimu iyi yakalinga ya baabo batakwe kunyumfwila Lesa kale kale, ndyaakalinga kulindila amoyonteeka ciindi ico Nowa ndyaakalinga kupanga bwaato. Mwakalingabo bantu baniinibo, bosanwe abotatwe bakapuluka kumaanshi.

2 Pita 1:4

Kwiinda muli nshisho, wakatupa shipo shinene alimwi shibotu abuumbi isho nshaakashomesha kwaamba ayi kwiinda mushipo ishi, mukapulushikwe kubunyonyooshi bwa lunkumbwa buli mucishi ca panshi akutambula buumi bwa buLesa.

2 Pita 3:15

Mulyeelete kwishiba ayi kukalika moyo kwa Mwaami wesu, ncoolwe ncaatoomupa kwaamba ayi mupulushikwe. Alakwe Paulo, mukwabesu usunikwi, wakamulembela shamakani ngomunya aya kwiinda mubusongo bwakamupa Lesa.

Ciyubululo 2:21

Ndakamupa ciindi cakwaamba ayi asanduke kuswa kushibiibi shakwe, sombi taasuni kucileka bufuule bwakwe.