2 Pita 3:4 - Baibo Busansulushi Bwa Libuku Ili

⁴ Balaakwaamba ayi, “Te Klistu wakashomesha ayi ulaakwisa? Ino uli kuli? Bamashali besu bakulukulu bakafwabo kale kale, sombi shintu shoonse shicilibo bweenka mboshakalinga kumatalikilo a cishi!”

2 Pita 3:4 ပူးပေါင်းရင်းမြစ်များ

Matalikilo 19:14

Lyalo Loti wakaya kubasankwa bakalinga bamamikila bana bakwe banakashi akubalwiita ayi, “Amweendeshe musweemo muno. Mwaami Lesa utoonyonyoola musena uno.” Sombi balo bakayeeya ayi utoosekanabo.

Shikushimikila 1:9

Cakabawo kale cilaakubawo alimwi. Cakacitikawo kale cilaakucitika alimwi. Taaku cimwi ceensu cili pacishi ca panshi.

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Jelemiya 17:15

Lyoonse bantu balaŋambila ayi, “Ino cakaamba Mwaami Lesa cili kuli? Aciciite bulya tubone!”

Esekelo 11:3

Balo balaamba ayi, ‘Sa te onoonobo nciindi cakuyaka maanda? Ndabala ino ili anga ninongo yakutelekaamo, ono swebo tuli nyama! Nakubi boobo ilatutabilila kuswa kumulilo.’

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 24:28

“Kuli koonse kuli mutuntu, amakubi nkwaabungana.

Mateyo 24:48

Sombi na ngumusebenshi mubiibi ulaakuyeeya ayi, ‘Mwaami wangu wacelwa kwisa,’

Maako 10:6

Sombi tulabelenga ayi kumatalikilo, ‘Lesa wakabalenga musankwa amwanakashi.’

Maako 13:19

Mukwiinga mapensho eshi akabeeko ciindi ico taakwe kubonekaawo kale, kuswabo Lesa ndyaakatalika kulenga cishi ca panshi kushikila asunu. Ncakwiila teshi akabooleewo.

Luka 12:45

Ono na musebenshi uyo waamba mumoyo wakwe ayi, ‘Mwaami wangu wacelwa kwisa,’ lyalo watalika kuuma basebenshinyina basankwa abanakashi alimwi akutalika kulya, kunwa akukolwa.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

1 Bene Tesalonika 2:19

Mwebo ndimwe mwalengesha kwaamba ayi tube akulangila, kusangalala alimwi akwaamba cakutatonsha cikani ca kupuluka kwesu pameenso aMwaami wesu Jesu Klistu bushiku aakwisa.

2 Pita 3:12

Mutoolindilila Bushiku bwa Mwaami Lesa alimwi musebense cankusu kwaamba ayi bufwambaane kwisa. PaBushiku ubu, liculu lilaakupya akunyonyoolwa, ashalo sha kwiculu shilaakusunguluka kucikasaashi ca mulilo.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.