2 Pita 2:9 - Baibo Busansulushi Bwa Libuku Ili

⁹ Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

2 Pita 2:9 ပူးပေါင်းရင်းမြစ်များ

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

Kulumbaisha 12:1

Amucafwe ono nobaLesa, mukwiinga taaku wacaala munshila shabulesa, alimwi taaku wacaala ucishomeka pakati ka bantu boonse.

Kulumbaisha 32:6

Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

Kulumbaisha 37:33

Sombi Mwaami Lesa taalekeleshi bantu bakwe mumaansaabo, nabi kubalekelesha ayi bapekwe mulandu na baletwa kunkuta.

Kulumbaisha 4:3

Ono amwishibe ayi Mwaami Lesa wakasala baluleme kuba bantu bakwe, alimwi nebo ulankumbula ndimpaila kuli nguwe.

Tushimpi 12:13

Mucita shibi ulalicatisha mukoose ka maswi akwe abiibi, sombi muntu ushomeka ulalikusha mumakatasho.

Tushimpi 16:4

Mwaami Lesa wakabamba meelelesho a shintu shoonse. Meelelesho a bamucita shibi nkunyonyoolwa.

Mateyo 10:15

Ntoomulwiita calushinisho ayi pabushiku bwakoomboloshekwa, Lesa ulaakupa ndabala iyo mulandu unene kwiinda Sodoma aGomola!

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

2 Timoti 3:12

Ncakwiila uyo woonse usuni kwikala mubuumi bwabuLesa muli Klistu Jesu ulaakupenshekwa.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.

1 Samwelo 29:10

Ono na patubetubeekobo ufume unooya abasebenshi ba mwaami boonse mbowakesaabo.”