2 Pita 2:6 - Baibo Busansulushi Bwa Libuku Ili

⁶ Abalo bantu ba mumandabala anene a Sodoma aGomola Lesa wakaboombolosha akubapa mulandu. Wakabanyonyoola amulilo. Ici cakaba citondesho ca sheesho sheshi shikacitike kubantu beshi bakabule kumunyumfwila kunembo.

2 Pita 2:6 ပူးပေါင်းရင်းမြစ်များ

Matalikilo 19:28

Wakalangilisha Sodoma aGomola aliwesa lyoonse. Mpeeke wakabona bwiishi kabusunta anga butooswa mumunyumbi unene.

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Isaya 13:19

Babiloni mbulelo bubotu abuumbi apo bantu ba mumo mpobalisumpwita. Sombi nebo neMwaami Lesa ndaakunyonyoola Babiloni bweenka mbondakanyonyoola Sodoma aGomola!

Jelemiya 50:40

Bweenka nebo neLesa mbondakanyonyoola Sodoma aGomola pantu pomwi amandabala akalinga kushingulukite cakwaamba ayi taaku muntu wakekalaamo tubili, mbweeke ubo taaku weshi akekale muBabiloni tubili. Nebo neMwaami Lesa ndaamba.”

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Sefaniya 2:9

Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”

Shakubelenga 16:38

Shikaye shakubikawo mulilo isho sha bantu aba bakacaikwa ceebo ca shibiibi shabo shakasalashikwa ndibakashileta kuMwaami Lesa. Ono mushuume ayi shipampamane akuba shakufweka pacipaililo. Ici cilaakuba cicenjesho kubene Isilaeli boonse.”

Shakubelenga 26:10

Inshi yakalakama akubamina, aboobo bakafwita pantu pomwi aKola alimwi abaabo bakalinga kumukonkela, mulilo ndiwakanyonyoola basankwa bali 250. Mpeeke bakaba citondesho kubantu.

Mateyo 10:15

Ntoomulwiita calushinisho ayi pabushiku bwakoomboloshekwa, Lesa ulaakupa ndabala iyo mulandu unene kwiinda Sodoma aGomola!

Mateyo 11:23

Awebo Kapenaumu, sa utooyeeya ayi ulaakusumpwitwa kwiculu? Sobwe, ulaakuwaalwa panshi pamusena wa bafu! Mukwiinga shaankamiko isho naakwiinga shakacitilwa muSodoma, naakwiinga ndabala iyi keeciliiwo asunu.

Bene Loma 9:29

Ici cilibo bweenka bwakaamba Isaya kale kale ayi, “Mwaami Lesa shinkusu shoonse naatakwe kutushiila bantu bamwi bamumushobo wesu, naakwiinga twakaloba anga nindabala ya Sodoma alimwi aGomola.”

1 Bene Kolinto 10:11

Shoonse shintu ishi shakacitika kuli mbabo kwaamba ayi shibe shitondesho kubantu bamwi. Shakalembwa alimwi kwaamba ayi shitucenjeshe sotushiite muciindi cino meelelesho a cishi ca panshi ndyaali pafwaafwi.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Judi 1:15

Ulaakwisa mukoombolosha akupa mulandu bantu boonse, batanyumfwili Lesa, pashibiibi nshebakacita mububi bwabo, mukutalulama kwabo alimwi aceebo ca maswi abiibi bamucita shibi aba ngobakacobola Lesa.”

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.