2 Pita 2:2 - Baibo Busansulushi Bwa Libuku Ili

² Bashomi baanji balaakukonkela micito yabo iyo ibiibi. Ono bakunsengwe pakubona boobo, balaakucobola Nshila ya lushinisho.

2 Pita 2:2 ပူးပေါင်းရင်းမြစ်များ

Matalikilo 19:5

Bakoolobesha kuli Loti ayi, “Bali kuli basankwa besa mukoona kokuno sunu? Bakushe utupe kuno!” Basankwa bene Sodoma abo bakalinga kusuni kukumanaabo.

Kulumbaisha 18:21

Ncakwiila ndakonkela nshila sha Mwaami Lesa. Nshikwe kubisha kwiinda mukufutatila Lesa wangu.

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 7:14

Sombi mulyango utola kubuumi butamaani ulishaankene alimwi nshila iyaako ilishupite. Aboobo bantu baikonkela mbaniini.

Maako 12:14

Ndibakashika, bakeepusha Jesu ayi, “Bafundishi, tulishi kwaamba ayi mwebo mulashomeka alimwi mwebo tamukomwi amiyeeyo ya bantu. Tamusalululi, sombi muleeisha nshila yakwe Lesa calushinisho bweenka mbuli mboibete. Sa Milawo ilatusuminisha kupa musonko kuli Sisa muleli munene wa kuLoma, nabi tau?”

Maako 13:22

Mukwiinga abo balyaamba ayi, ‘Ndime Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

Milimo ya Batumwi 14:2

Sombi baJuda abo batakwe kushoma, bakayungoola baswamashi bakunsengwe ayi babukile baabo bakashoma.

Milimo ya Batumwi 16:17

Uyu mwanakashi wakalinga kwisa cikonkela Paulo aswebo, kaaolobesha ayi, “Aba basankwa mbasebenshi bakwe Lesa wa kwiculu Wiindaawo! Batooshimikila mbweenga mwapulushikwa.”

Milimo ya Batumwi 18:26

Wakatalika kwaamba cakutaloonda mucoonde ca baJuda. Ono Akwila aPulisila ndibakanyumfwa kaamba, bakayaakwe kuŋanda yabo akumusansulwita mbuli nshila yakwe Lesa mbweebete.

Milimo ya Batumwi 19:9

Sombi bamwi bakacita minsuula akukaka kushoma nshaakalinga kubalwiita. Bakatalika kucobola Nshila ya Mwaami Jesu pameenso a bantu boonse. Paceebo ceeco, Paulo wakabashiya akuya abaabo bakashoma. Mpeeke bushiku abushiku wakalinga kubandika abantu muŋanda inene njaakalinga kusebensesha Tayilanasi pakwiisha.

Milimo ya Batumwi 22:4

Ndakapensha bantu abo bakalinga kukonkela Nshila iyi ya Mwaami Jesu kushikila bacaikwa. Ndakacata basankwa abanakashi baanji akubaangisha.

Milimo ya Batumwi 24:14

Sombi ntoosumina pameenso anu ayi ndalambila Lesa wakalinga kulambila bamashali besu bakulukulu kwiinda mukushoma Nshila njebaamba ayi njakubeca. Ndashoma ashoonse shilembetwe muMilawo yakwe Mose alimwi amabuku a balaluki bakulukulu.

Bene Loma 2:24

Cililembetwe muMalembo akwe Lesa ayi, “Ceebo ca ndimwe nobaJuda, baswamashi bakunsengwe balacobola Lesa.”

1 Timoti 5:14

Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.

Taitasi 2:5

kuba balitibuka, batacite kampenda, bapisooka paŋanda, bacite nkumbu, banyumfwila bameebaabo kwaamba ayi maswi akwe Lesa atacobolwi.

Taitasi 2:8

Kosebensesha maswi abotu atakoonshi kutongookwa, kwaamba ayi abo bakupikisha banyumfwe nsoni mukubula cibiibi cakwaamba pali ndiswe.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

2 Pita 2:12

Sombi bantu aba balibo anga mbanyama batacite maano, bakalengelwa kucatwa akucaikwa. Balacobola shintu shoonse nshibatanyumfwishi. Balaakunyonyoolwa bweenka bunyonyoolwa banyama ba muluundu.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

2 Pita 2:21

Naakwiinga cakabota kuli mbabo kuteshibaawo nshila ya bululami, kwiinda kwaamba ayi beshibe, sombi alimwi pesule baalookile mulawo usalalite wakabapa Lesa.

2 Pita 2:7

Lesa wakapulusha Loti, muntu ululeme uyo wakalinga kupenshekwa abuumbi ceebo ca buumi butaluleme, bwa bamucita shibi abo.

Judi 1:10

Sombi bantu aba balacobola cintu cili coonse ncebatanyumfwishi. Ono shintu isho nshebeshi kabotu mukusebensesha mibo yabunyama, nsheshintu sheshi shikabanyonyoole.

Judi 1:15

Ulaakwisa mukoombolosha akupa mulandu bantu boonse, batanyumfwili Lesa, pashibiibi nshebakacita mububi bwabo, mukutalulama kwabo alimwi aceebo ca maswi abiibi bamucita shibi aba ngobakacobola Lesa.”

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.