2 Pita 2:18 - Baibo Busansulushi Bwa Libuku Ili

¹⁸ Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

2 Pita 2:18 ပူးပေါင်းရင်းမြစ်များ

1 Baami 13:19

Lyalo mulaluki wa kuJuda wakaya kumishaabo mulaluki mucembele mukulya akunwa maanshi anguwe.

Esekelo 35:13

Mwakalinga kuntwaangila akwaamba makani abiibi pali ndime kwakutalitibuka, nebo nemwiine kaandinyumfwila.’ ”

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Milimo ya Batumwi 2:40

Pita wakatolelela kubaambila maswi amwi aanji akubacenjeshaako kaamba ayi, “Amulipulushe kumapensho ayo eshi akacitikile bamucita shibi ba cecino ciindi!”

Milimo ya Batumwi 8:9

Mweeke umo mundabala, mwakalinga kwikala musankwa umwi wiitwa ayi Simoni. Musankwa uyu wakalinga muŋanga wakalinga kukankamika bene Samaliya akunoolibanda ayi ngumulemu.

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

Jemusi 5:5

Pacishi ca panshi pano mwekala buumi bwakuliiba akulikondelesha. Mwalya mwaina kulibambila bushiku bwakucaikwa.

2 Pita 1:4

Kwiinda muli nshisho, wakatupa shipo shinene alimwi shibotu abuumbi isho nshaakashomesha kwaamba ayi kwiinda mushipo ishi, mukapulushikwe kubunyonyooshi bwa lunkumbwa buli mucishi ca panshi akutambula buumi bwa buLesa.

2 Pita 2:14

Tabalangibo mwanakashi cakutamukumbwa, balisunibo kucita bufuule lyoonse. Balalengesha bateshi bayumu mulushomo kubisha. Bakeshibila kuyandishisha buboni. Lesa ulaakubapa mulandu!

2 Pita 2:2

Bashomi baanji balaakukonkela micito yabo iyo ibiibi. Ono bakunsengwe pakubona boobo, balaakucobola Nshila ya lushinisho.

2 Pita 2:20

Bantu balapulushikwa mushintu shibiibi sha mucishi ca panshi kwiinda mukwishiba Mwaami Jesu Klistu, Mupulushi wesu. Sombi na baboola mushintu isho akukomwa, ncakwiila bwikaalo bwabo bulabica kwiinda mbuli mbobakalinga pakataanshi.

2 Pita 2:7

Lesa wakapulusha Loti, muntu ululeme uyo wakalinga kupenshekwa abuumbi ceebo ca buumi butaluleme, bwa bamucita shibi abo.

2 Pita 3:17

Paceebo ceeco mwebo nomusunikwi mukwiinga mulishi kale shintu ishi, mucenjele kwaamba ayi mutatanjililwi kuswa munshila ibotu ashilubo sha bantu aba bamucita shibi, akuwa kuswa kumusena wanu uli kabotu.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

Ciyubululo 13:11

Kuswawaawo ndakabona munyama aumwi wakaswa mucishi ca panshi. Wakalinga kucite meeca obilo ali anga nga mbelele alimwi wakalinga kwaamba anga ngushinshimwe.