2 Pita 1:6 - Baibo Busansulushi Bwa Libuku Ili

⁶ Palushibo lwanu, mwiilikewo kulitibuka, apalo pakulitibuka, mwiilikewo kukomenya moyo, apakukomenya moyo mwiilikewo buumi bwakupaila kwiine kwiine.

2 Pita 1:6 ပူးပေါင်းရင်းမြစ်များ

Matalikilo 5:24

Enoki wakeenda mubushicibusa aLesa buumi bwakwe boonse. Mpeeke wakashiminganabo ceebo Lesa wakamutola.

Kulumbaisha 37:7

Kokalika caamba pameenso akwe Lesa akulindila lucafwo lwakwe. Utalisukami abantu basumpuka kwiinda munshila shabo beene, ee, bantu abo baswitilila kwiinda mumiyeeyo yabo ibiibi.

Isaya 57:1

Bantu bakwe Lesa abo bashomeka balafwa, nakubi boobo taaku nabi womwi ucibika kumaano. Bantu bashomeka balatolwa, sombi taaku ushiba kwaamba ayi baluleme balatolwa mukufunwa kububi.

Luka 21:19

Kwiinda mukushoma cakutaboola pesule mulaakutambula buumi bwancinencine.

Luka 8:15

Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Loma 8:25

Aboobo na tutoolangila cintu ncetutabwene, tulyeelete kutolelela kulangila.

1 Bene Kolinto 9:25

Ono umwi aumwi usuni kuba mushisekano ulalitibuka mushintu shoonse kwaamba ayi akatambule mushini uyo utekaali aciindi cilaamfu. Sombi swebo tulacita boobo kwaamba ayi tukatambule mushini utamaani.

2 Bene Kolinto 6:4

Sombi mushintu shoonse tulalitondesha ayi tuli basebenshi bakwe Lesa, kwiinda mukutolelela kushoma mushiindi sha mapensho apusenepusene.

Bene Galatiya 5:23

kulibombya alimwi akulitibuka. Taaku mulawo ukasha shintu ishi.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

2 Bene Tesalonika 1:4

Paceebo ceeco tulikondetwe pali ndimwe mushoonde shakwe Lesa. Tulikondetwe pali ndimwe ceebo cakukomenya myoyo akutaboola pesule mulushomo kweelana aciindi ndyemuli mumapensho amakatasho.

2 Bene Tesalonika 3:5

Mwaami Jesu alengeshe myoyo yanu kwishibishisha lusuno lwakwe Lesa akukomenya moyo uko Klistu nkwaatupa.

1 Timoti 2:10

Sombi baliboteshe amilimo ibotu yeelete banakashi balyaamba ayi balalambila Lesa.

1 Timoti 2:2

Mupailile baami abaabo bali mubweendeleshi kwaamba ayi twikale muluumuno cakulemeka Lesa abuumi bubotu.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

1 Timoti 6:3

Muntu uli woonse wiisha njiisho shipusene alimwi shiteendelani amaswi aMwaami wesu Jesu Klistu akwiisha kwesu kuswa kuli Lesa,

1 Timoti 6:6

Ee, kupaila kulabilisha muntu abuumbi, kulilabo na ulabona ayi isho nshaacite nshiinji.

2 Timoti 3:5

bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

Taitasi 1:1

Ndime Paulo musebenshi wakwe Lesa alimwi mutumwi wakwe Jesu Klistu. Ndakasalwa kwaamba ayi njumye lushomo lwa baabo Lesa mbwaakasala akubatanjilila mukwishiba shalushinisho isho shiletela buumi bwa buLesa.

Taitasi 1:8

Ulyeelete kuba muntu utambula beensu alimwi uyanda kucita shibotu, ulitibuka, ululeme, usalalite alimwi ulilama.

Taitasi 2:2

Koambila basankwa bamanene ayi babe beshikucata myoyo, bacite kalango, balitibuka alimwi baluleme mulushomo lwabo, mulusuno alimwi amukutolelela.

Bene Ebulu 10:36

Mulyeelete kukalika myoyo kwaamba ayi mucite kuyanda kwakwe Lesa alimwi akwaamba ayi mukatambule sheesho nshaakashomesha.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Bene Ebulu 6:12

Tatusuni ayi mube batolo, sombi ayi mube anga mbaabo batambula sheesho Lesa nshaakashomesha, kwiinda mulushomo abushimoyonteeka.

Bene Ebulu 6:15

Abulaamu wakalindila camoyonteeka, aboobo wakatambula sheesho Lesa nshaakamushomesha.

2 Pita 1:3

Lesa kwiinda munkusu shakwe shabulemu, wakatupa shoonse shiyandika kwaamba ayi twikale buumi bwakupaila kwiine kwiine. Wakacita boobo kwiinda mulushibo ndotucite pali wooyo wakatwiita ceebo ca bulemu abubotu bwakwe.

2 Pita 3:11

Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

Ciyubululo 13:10

Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”

Ciyubululo 14:12

Nkokwaamba ayi ncibotu bashomi kutaboola pesule, abo bakonkela milawo yakwe Lesa alimwi akushomeka muli Jesu.

Ciyubululo 2:2

Utokwaamba ayi, ‘Milimo yako ndiishi ambuli mboosebensa cankusu alimwi akutaboola pesule ceebo ca mapensho. Ndishi alimwi kwaamba ayi inga toolangibo bamucita shibi. Abo balibanda ayi mbatumwi, wakabeelesha akucana ayi mbabeshi.