2 Pita 1:3 - Baibo Busansulushi Bwa Libuku Ili

³ Lesa kwiinda munkusu shakwe shabulemu, wakatupa shoonse shiyandika kwaamba ayi twikale buumi bwakupaila kwiine kwiine. Wakacita boobo kwiinda mulushibo ndotucite pali wooyo wakatwiita ceebo ca bulemu abubotu bwakwe.

2 Pita 1:3 ပူးပေါင်းရင်းမြစ်များ

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Tushimpi 12:4

Mwanakashi ucite mibo ibotu uli anga ngumushini kuli ibaye, sombi mwanakashi ulensha nsoni ibaye uli anga mbulwashi bwa mumafuwa kuli nguwe.

Tushimpi 31:10

Nciyumu kucana mwanakashi ucite mibo ibotu. Mwanakashi weelete uleenda mabwe amakwebo eetwa ayi lubi.

Tushimpi 31:29

“Ee, mbaanji banakashi bacita shintu shibotu, sombi webo ulabeendaawo boonse.”

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Bene Loma 9:24

Ceebo ndiswe baabo mbaakasala, kuteshi kuswa kumushobo wa baJuda weenka, sombi akubaswamashi bakunsengwe.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

2 Bene Kolinto 12:9

Sombi wakankumbula ayi, “Luse lwangu lulikwene pali ndiwe, ceebo nkusu shangu shilaboneka bunene na koolefukite.” Ono nanoolilumbaisha cakukondwa ceebo cakulefuka kwangu kwaamba ayi nkusu shakwe Klistu shibe pali ndime.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Efeso 4:4

Kuli mubili womwi aMushimu Usalashi womwi, bweenka mbuli mbokuli kulangila komwi Lesa nkwaakamwiitila.

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

Bene Kolose 1:16

Mukwiinga kwiinda muli nguwe, Lesa wakalenga shintu shoonse, sha kwiculu alimwi asha mucishi ca panshi, shiboneka ashitaboneki, nkusu sha baanjelo, bamaami, beendeleshi alimwi abamaloba. Lesa wakalenga shoonse kwiinda muli nguwe akwaamba ayi akanoosheendelesha.

1 Bene Tesalonika 2:12

Twakalinga kumuyuminisha akumwaambila cankusu ayi mulyeelete kwikala bwikaalo ubo bukondelesha Lesa, uyo umwiita kwaamba ayi mukenjile muBweene amubulemu bwakwe.

1 Bene Tesalonika 4:7

Mukwiinga Lesa taakwe kutwiitila bufuule, sombi kuba abuumi busalalite.

2 Bene Tesalonika 2:14

Wakamwiita muMakani Abotu ayo ngotwakamushimikila kwaamba ayi amwebo mukenjile mubulemu bwa Mwaami wesu Jesu Klistu.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

1 Pita 1:15

Sombi amube bantu basalalite mushintu shoonse nshemucita bweenka mbuli busalalite Lesa uyo wakamwiita.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

1 Pita 2:21

Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

2 Pita 1:10

Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,

2 Pita 1:2

Luse aluumuno shikomene muli ndimwe lyoonse alyoonse, kwiinda mulushibo ndotucite pali Lesa alimwi aJesu Mwaami wesu.

2 Pita 1:5

Paceebo ceeco, amusebense cankusu kwaamba ayi mwiilike bwikaalo bubotu palushomo lwanu alimwi pabwikaalo bubotu, mwiilikewo lushibo.

2 Pita 1:6

Palushibo lwanu, mwiilikewo kulitibuka, apalo pakulitibuka, mwiilikewo kukomenya moyo, apakukomenya moyo mwiilikewo buumi bwakupaila kwiine kwiine.

2 Pita 1:8

Na mulicite shintu ishi alimwi akutolelela kuya cibikilaawo ashimwi, teshi mukabe batolo, batacite mpindu mulushibo lwa Mwaami wesu Jesu Klistu.

2 Pita 2:20

Bantu balapulushikwa mushintu shibiibi sha mucishi ca panshi kwiinda mukwishiba Mwaami Jesu Klistu, Mupulushi wesu. Sombi na baboola mushintu isho akukomwa, ncakwiila bwikaalo bwabo bulabica kwiinda mbuli mbobakalinga pakataanshi.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

Lute 3:11

Ono utaloondi Lute. Ntoocita shoonse nshewasenga, ceebo muntu woonse mundabala ino ulishi kwaamba ayi uli mwanakashi ucite mibo ibotu.