2 Makani 9:8 - Baibo Busansulushi Bwa Libuku Ili

⁸ Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane alimwi mukwiinga ulisuni kubafuna lyoonse, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

2 Makani 9:8 ပူးပေါင်းရင်းမြစ်များ

2 Samwelo 23:3

Lesa wa bene Isilaeli waamba, Mwaandami wa bene Isilaeli wandwiita ayi, ‘Mwaami weendelesha bantu mubululami, uyo weendelesha cakuloonda Lesa,

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Makani 17:22

Ncakwiila mwakalisalila bene Isilaeli ayi babe bantu banu kwalyoonse alimwi mwebo noBaami baLesa mwaba Lesa wabo.

1 Makani 28:5

Mwaami Lesa wakampa baana basankwa baanji. Kuswa pali mbabo wakasala Solomoni kwaamba ayi akalele cishi ca Isilaeli, bwaami bwa Mwaami Lesa.

1 Makani 29:10

Mpomunyaawo mwaami Defedi wakalumbaisha Mwaami Lesa kunembo lya bantu boonse ayi, “NoBaami baLesa, baLesa ba mushali wesu mukulukulu Jakobo, amulumbaishikwe kwalyoonse alyoonse!

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

1 Makani 29:23

Lyalo Solomoni wakapyana cuuna ca bwaami ca baishi baDefedi ico cakabapa Mwaami Lesa. Wakaswitilila mubwaami bwakwe alimwi bene Isilaeli boonse bakalinga kumunyumfwila.

2 Makani 13:8

“Ono bulya mulisuni kulwana bwaami bwa Mwaami Lesa ubo mbwaakabika mumaansaakwe Defedi abamulunyungu lwakwe. Mulicite bashilumamba baanji alimwi mulicite abacende baana ba golodi abo Jeloboamu mbwaakabumba kwaamba ayi babe balesa banu.

2 Makani 2:10

Basebenshi banu beshikutimbula shisamu ndaakubapa makilogilamu a witi ali 2,000,000, makilogilamu a bale ali 2,000,000, malita a waini ali 400,000 alimwi amalita a mafuta a olifi ali 400,000.”

2 Makani 2:11

Ilamu mwaami wa kuTaya wakakumbula Solomoni munkalata. Wakalemba ayi, “Ncakwiila nceebo cakwaamba ayi Mwaami Lesa ulisuni bantu bakwe, ncaakubikila pabwaami kwaamba ayi ube muleli wabo.

2 Makani 9:7

Balicite coolwe abuumbi bantu abasebenshi banu abo bekalabo muliimfwa lyanu lyoonse kabanyumfwa kwaamba kwanu kwabusongo!

2 Makani 9:9

Mpeeke wakapa mwaami Solomoni shipo isho nshaakaleta. Wakamupa makilogilamu a golodi ali 4,000 akuya peculu pantu pomwi atununkila kabotu mubuyani ashakulibotesha shamakwebo. Mweelo wa tununkila kabotu uto twakamupa mwaami mwanakashi wa kuShiba, wakeendaawo kukomena pawooyo wa tooto ntwaakatambulaawo kale.

Kulumbaisha 18:19

Wakancafwa kuswa mumeeno a nkalamu, wakampulusha mukwiinga ndamusangalasha.

Kulumbaisha 22:8

Balaamba ayi, “Sa te ulicinkite manungo muMwaami Lesa, ono Mwaami Lesa aamupulushe tubone. Aamufuune na ncakwiila ulimusuni.”

Kulumbaisha 72:2

Lyalo akalele bantu banu cakutanyengelela, akweendelesha cabululami bantu banu balyatililwa.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Tushimpi 29:4

Kwiinda mukoombolosha kululeme, mwaami ulalengesha cishi cakwe kushimpa, sombi uyo usuni bunene makulo, ulacimwaya.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 62:4

Teshi ukanoociitwa ayi, “Cishaale” nabi kwiita cishi cako ayi, “Matongo.” Sombi ulaakunokwiitwa ayi, “Efisiba,” nkokwaamba ayi usunikwi wangu uli muli nguwe. Acalo cishi cako cilaakunokwiitwa ayi, “Beula,” nkokwaamba ayi weebetwe, ceebo Mwaami Lesa ulaakunookusuni alimwi ngweshi akakweebe.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.