2 Makani 9:23 - Baibo Busansulushi Bwa Libuku Ili

²³ Bamucishi coonse ca panshi bakalinga kusuni kuya mukunyumfwa busongo ubo Lesa mbwaakamupa.

2 Makani 9:23 ပူးပေါင်းရင်းမြစ်များ

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

1 Baami 4:34

Bamaami boonse ba mucishi bakanyumfwa shabusongo bwakwe akutuma bantu ayi baye bamukutike.

2 Makani 9:22

Mwaami Solomoni wakalinga kwiinditeewo bubile abusongo pamwaami uli woonse.

2 Makani 9:24

Muntu uli woonse wakalinga kwisa kuli Solomoni, wakalinga kuletelela acipo. Bamwi bakalinga kuleta shintu sha silifa asha golodi, bamwi mingaanjo, bamwi shakulwanisha, bamwi tununkila kabotu mubuyani, bamwi maaki abamwi shifubwa shili anga nimbongolo. Bakalinga kucita boobo pamwaaka amwaaka.

Tushimpi 2:6

Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.