2 Makani 7:3 - Baibo Busansulushi Bwa Libuku Ili

³ Bene Isilaeli ndibakabona mulilo koosa panshi abulemu bwa Mwaami Lesa peculu lya Ŋanda yakwe Lesa, bakafukama cakushisha shiwa panshi akulambila alimwi akulumbaisha Mwaami Lesa mukwaamba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

2 Makani 7:3 ပူးပေါင်းရင်းမြစ်များ

1 Baami 18:39

Bantu ndibakabona shoonse ishi, bakaliwaala panshi akwaamba ayi, “Mwaami Lesa ngoLesa! Mwaami Lesa ngoLesa!”

1 Makani 16:34

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

1 Makani 16:41

Bamwi bakalinga ambabo nguEmani aJedutuni kubikaawo abamwi abo bakasalwa kwaamba ayi bakanokwiimba akulemeka Mwaami Lesa ceebo ca lusuno lwakwe lwamuyayaya.

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

2 Makani 20:18

Mpomunyaawo mwaami Jeoshafati wakafukama cakushisha ciwa panshi. Abalo bantu boonse bakafukama akulambila Mwaami Lesa.

2 Makani 20:21

Jeoshafati ndyaakamana kwiipusha bantu, wakasala beshikwiimba akubaambila ayi bafwale shakufwala shisalalite sha bwiimbi alimwi akunooya ceendela kunembo lya bashilumamba kabaya ciimba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

2 Makani 29:28

Lyalo bantu boonse bakakotamina panshi akulambila, beshikwiimba kabeemba abalo beshikulisha mapeenga kabalisha. Kwiimba uko kwakatolelela kushikila kubenga mulambu wakutenta ndikwakamana.

2 Makani 29:29

Mpeeke ndibakamana kubenga mulambu uyo, mwaami Esekiya abantu boonse mbwaakalingaabo bakafukama panshi akulambila Lesa.

2 Makani 29:30

Lyalo mwaami Esekiya abamatanjilili bakwe bakaambila bene Lefi ayi balumbe Mwaami Lesa mumaswi akwe Defedi aakwe Asafu mulaluki. Mpomunyaawo bakeemba nyimbo shakulumbaisha cakusangalala kabafukeme alimwi kabalambila Lesa.

2 Makani 5:13

Beshikulisha mapeenga abeshikwiimba bakalinga kwiimba cakucatana pantu pomwi anga ngumuntu womwi kabalumbaisha Mwaami Lesa. Uku mapeenga, tusenke ashimwi shakulisha kashilishikwa, bakeemba amaswi apeculu mukulumbaisha Mwaami Lesa ayi, “Amulumbaishe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.” Lyalo Ŋanda ya Mwaami Lesa yakesula likumbi lya bulemu bwakwe Lesa.

Esila 3:11

Lyalo bakeemba kabalumbaisha Mwaami Lesa ayi, “Mwaami Lesa ngumubotu, lusuno lwakwe pabene Isilaeli ndwamuyayaya.” Bantu boonse bakalumbaisha Mwaami Lesa cakoolobesha, mukwiinga mulimo wakuyaka alimwi Ŋanda yakwe Lesa wakatalika.

Kulumbaisha 100:5

Mwaami Lesa ngumubotu. Lusuno lwakwe ndwamuyayaya. Kushomeka kwakwe nkwalyoonse alyoonse.

Kulumbaisha 103:17

Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.

Kulumbaisha 106:1

Amulumbaishe Mwaami Lesa! Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 107:1

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 118:1

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 95:6

Kamwisa tumulambile cakushisha shiwa panshi. Atufukame pameenso a Mwaami Lesa uyo wakatulenga,

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Shakubelenga 14:5

Lyalo Mose aAloni bakafukama cakushisha shiwa panshi kunembo lya bene Isilaeli boonse.

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Luka 1:50

Nkumbu shakwe shili pali boonse abo bamulemeka kuswa kulishalane limwi kushikila kulishalane limwi.