2 Makani 7:20 - Baibo Busansulushi Bwa Libuku Ili

²⁰ ingayi ndaakumutanda mucishi ncendakamupa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakwiiseka akwiibona ayi taaku mboibete.

2 Makani 7:20 ပူးပေါင်းရင်းမြစ်များ

1 Baami 14:15

Mwaami Lesa ulaakupensha bantu bene Isilaeli alimwi balaakunootutuma anga nditete lili mukalonga. Ulaakukusha bene Isilaeli mucishi ici cibotu ico ncaakapa bamashali babo bakulukulu, alimwi ulaakubapalanganya kwiindilila Mulonga wa Yufuletisi. Ulaakucita boobo mukwiinga bakasonkomona bukali bwakwe kwiinda mukupanga shikoshanyo sha lesa mwanakashi Ashela.

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

2 Baami 17:20

Mwaami Lesa wakakaka bene Isilaeli boonse. Wakabapa mulandu akubaaba mumaansa a balwani babo beshilunkutwe tibili wabatanda kuswa pameenso akwe.

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

Kulumbaisha 44:14

Mwatulengesha kuba ntantaala ya maleende ya mishobo imwi, bulya kulilabo utokwiinda ulapukumuna mutwi pali ndiswe.

Kulumbaisha 52:5

Paceebo ceeco, Lesa ulaakunyonyweetabo limwi. Ulaakukucata akukukusha muŋanda yako. Ncakwiila ulaakukunonkolaamo mucishi ca boomi.

Jelemiya 12:17

Ono na mushobo umwi ukabule kunyumfwila, ndaakuutupula akuunyonyoola cakumaninina. Nebo neMwaami Lesa ndaamba.”

Jelemiya 16:13

Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Jelemiya 18:7

Na cimwi ciindi ndaambilisha ayi mushobo wa bantu nabi bwaami butumunwe, bupwayoolwe nabi ayi bunyonyoolwe,

Jelemiya 22:8

“Lyalo bantu ba mumishobo imwi beshibakanokwiindaamo balaakunokwiipushanya ayi, ‘Ceebonshi Mwaami Lesa wakacita cintu ca mushobo uyu kundabala inene iyi?’

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Jelemiya 31:28

Bweenka mbuli mbondakabikako maano kubatumuna, kubapwayoola, kubakoma, kubanyonyoola akubapumununa, mbweeke ubo mbweshi nkabikeko maano kubashanga akubayaka alimwi.

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 45:4

“Nebo neMwaami Lesa ndaamba ayi, ‘Ndaakumwaya nshendakayaka akutumuna sheesho nshendakashanga mucishi coonse ca panshi.

Esekelo 7:24

Ndaakuleta mishobo iindaawo kubica kwisa mukubwesa maandaanu. Ndaakumanisha kulisumpula kwa beshinkusu alimwi amisena yanu isalalite ilaakubishikwa.

Shakubelenga 32:15

Ncakwiila na mwebo nomukowa wakwe Lubeni awakwe Gadi mukake kumunyumfwila bulya, bene Isilaeli boonse aba utoobashiya beenka muluyanga muno. Anu mwebo ndimwe mweshi mulengeshe ayi banyonyooke.”

Dutolonomi 28:37

Mumishobo yoonse umo Mwaami Lesa mweshi akamupalanganishishe, bantu balaakukankamana pakubona sheshi shikamucitikile. Balaakunoomuseka akumuweluluka.

Dutolonomi 29:28

Mpeeke Mwaami wakakalala abuumbi cakwaamba ayi wakabakusha mucishi cabo akubawaala mucishi cimwi, kweelana ambomubwene bulya.’

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.