2 Makani 5:2 - Baibo Busansulushi Bwa Libuku Ili

² Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani sha bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, muNdabala yakwe Defedi.

2 Makani 5:2 ပူးပေါင်းရင်းမြစ်များ

2 Samwelo 5:7

Sombi Defedi wakeekoma akubwesa ndabala ya Siyoni iyo yakalinga mulilinga. Lyalo wakeetumba ayi Ndabala yakwe Defedi.

2 Samwelo 6:12

Pesule mwaami Defedi wakalwiitikwa ayi, “Mwaami Lesa wapa coolwe Obedi Edomu ashintu shaakalinga kucite shoonse ceebo ca Libokoshi lya Cipangano.” Lyalo Defedi wakaya walikushaako kuŋanda yakwe Obedi Edomu akulitola muNdabala yakwe Defedi cakusangalala.

1 Makani 15:1

Defedi ndyaakamana kuyaka maandaakwe muNdabala yakwe Defedi, wakabamba amusena wakubikawo Libokoshi lya Cipangano. Wakaliyakila tente.

1 Makani 15:12

Wakabaambila ayi, “Muli bamatanjilili ba shipani sha bene Lefi. Mwebo abene Lefinyinaanu amulisalashe kwaamba ayi mulete Libokoshi lya Cipangano ca Mwaami Lesa, Lesa wa bene Isilaeli pamusena ngondalibambila.

1 Makani 15:25

Ndibakamana kubamba shoonse ishi Defedi, bamaloba bene Isilaeli alimwi abamatanjilili ba bashilumamba bali 1,000 bakaya mukulileta Libokoshi lya Cipangano ca Mwaami Lesa kuswa kuŋanda yakwe Obedi Edomu. Bakacita boobo akusekelela abuumbi.

1 Makani 15:3

Mpeeke Defedi wakeeta bene Isilaeli boonse kwisa kuJelusalemu kwaamba ayi bakalete Libokoshi lya Cipangano kumusena ngwaakalibambila.

1 Makani 16:1

Mpeeke bakashisha Libokoshi lya Cipangano akulibika mumusena wa ndilyo mutente yakayaka Defedi ayi likakaleemo. Lyalo Defedi wakabenga milambu yakutenta aya bwanabwankashi kunembo lya Mwaami Lesa.

1 Makani 24:31

Abalo bakooma cisolo bweenka bwakacita bamakwababo bamulunyungu lwakwe Aloni pameenso a mwaami Defedi, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Bamuŋanda ya mwanikebantu bakapekwa mulimo bweenka bwakapekwa bamuŋanda ya munenebantu.

1 Makani 24:6

Mpeeke Shemaya mulembi mwanaakwe Netanelo wakalemba meenaabo pameenso a mwaami, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Cisolo cakalinga kuuma koonse koonse, nkokwaamba ayi ŋanda yomwi pabamulunyungu lwakwe Eliyasa, ŋanda yomwi pabakwe Itama.

1 Makani 26:26

Shelomiti abeshikamukowa wakwe boonse bakalinga kulama maanda akusungilamo shintu shoonse shakabengwa kuli Lesa. Shintu isho shakabengwa amwaami Defedi, bamatanjilili ba bamumaanda abo bakalinga bamatanjilili ba bantu bali cuulu aba bali mwaanda alimwi abamatanjilili bamwi ba bashilumamba.

1 Makani 28:1

Mwaami Defedi wakeeta bacinenenene bene Isilaeli boonse ayi babungane muJelusalemu. Wakeeta bamatanjilili ba mikowa, bamatanjilili ba makoto a beshikweendelesha mulimo wa bwaami, bamatanjilili ba bashilumamba bali cuulu aba bali mwaanda, beshikweendelesha buboni boonse ashifubwa shoonse sha mwaami abana bakwe, bacinenenene ba kuŋanda ya bwaami, basankwa bapukite alimwi abashilumamba boonse batacite boowa.

2 Makani 1:4

Sombi Libokoshi lya Cipangano lyakalinga muJelusalemu, umo mwaami Defedi mwaakaliyakila tente ayi linookalaamo ndyaakalileta kuswa kuKilyati Jeyalimu.

2 Makani 5:1

Mpeeke mwaami Solomoni ndyaakamanisha ncito yakuyaka Ŋanda yakwe Lesa yoonse, wakaleta shintu shoonse isho Defedi ishi nshaakabenga kuli Lesa. Wakashibika mucipinda cakusungilaamo shintu. Pakalinga golodi, silifa ashimwi shiinji.

2 Makani 5:12

Beshikwiimba boonse bene Lefi mbuli Asafu, Emani a Jedutuni kubikaawo abana babo abamakwababo bakeemikana kulubasu lwakwicwe lya cipaililo bakafwala shisani shiteshimite kabalisha tusenke twakulisha, tulumbu tunene atuniini. Pakalinga abapailishi bali 120 bakalinga kulisha mapeenga.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 87:2

alimwi ndabala inene ya Siyoni ulisunishi kwiinda musena umwi uli woonse muIsilaeli.

Bene Lefi 9:5

Mpeeke shoonse Mose nshaakabaambila bakashileta kunembo lya Tente ya Cipangano, abalo bene Isilaeli boonse bakabungana peenka apo ayi balambile Mwaami Lesa.

Shakubelenga 10:33

Ono bantu ndibakaswa kuSinayi, kalundu kasalalite, bakeenda nshiku shotatwe. Libokoshi lya Cipangano lya Mwaami Lesa lyoonse lyakalinga kunembo lyabo kuya cibayandweeta musena wakuyakilaawo.

Shakubelenga 10:36

Ono na lyeemikana, wakalinga kwaamba ayi, “Amuboole noBaami baLesa, kubene Isilaeli abo bali shuulu shiinji.”