2 Makani 33:2 - Baibo Busansulushi Bwa Libuku Ili

² Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Makani 33:2 ပူးပေါင်းရင်းမြစ်များ

2 Baami 17:11

Pamisena yoonse yakulambililaako ya patulundu bakalinga kutentelaawo tununkila kabotu mukukonkela kwishibila kwa bantu abo Mwaami Lesa mbwaakatanda mucishi cabo. Aboobo bakasonkomona bukali bwa Mwaami Lesa ceebo ca micito yabo ibiibi.

2 Baami 17:15

Bakakaka milasho yakwe yoonse acipangano ico ncaakapanga abamashali babo bakulukulu alimwi akucenjesha uko nkwaakabapa. Bakalinga kulambila shibumbwabumbwa shitacite ncito abalo bakaba bantu batacite ncito. Bakakonkela bwikaalo bwa bantu bakalinga kubashingulukite nabi Mwaami Lesa wakabaambila ayi, “Mutanoocita isho nshebacita.”

2 Baami 21:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Baami 21:9

Sombi bene Juda tabakwe kunyumfwila Mwaami Lesa. Mpeeke Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

2 Makani 28:3

Wakalinga kutenta tununkila kabotu muCinyika ca Inomu alimwi wakalinga kubenga abana bakwe ayi njimilambu yakutenta kushibumbwabumbwa. Wakalinga kucita boobo mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Makani 33:22

Ono alakwe wakabishisha Mwaami Lesa bweenka bwakacita Manase ishi. Wakalambila shibumbwabumbwa isho shakapanga baishi.

2 Makani 36:14

Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.

Esila 9:14

Sa alimwi tukacibooshewo kutyola milawo yanu akweebana abaswamashi abo bacita shibiibi? Twakucita boobo, sa teshi mukakalale kushikila mukatunyonyoole cakumaninina, kukabule aucaala?

Jelemiya 15:4

Lyalo ndaakulengesha bamaami boonse ba pacishi ca panshi kubacimwa ceebo ca ceeco Manase mwanaakwe Esekiya mwaami wa bene Juda ncaakacita muJelusalemu.”

Esekelo 11:12

Lyalo ndyeshi mukeshibe ayi nebo ndi Mwaami Lesa. Ndaakucita boobo ceebo tamukwe kukonkela milasho nabi kulama milawo yangu, sombi mwakakonkela milawo ya mishobo imushingulukite.’ ”

Dutolonomi 12:29

“Ono Mwaami Lesa, Lesa wanu ulaakunyonyoola mishobo ya mucishi ico, lyalo mulaakucibwesa akwikalaamo.

Dutolonomi 12:31

Mutakanoolambila Mwaami Lesa, Lesa wanu munshila njebalambililamo balesa babo, mukwiinga pakulambila balesa babo balacita shintu shoonse shilensha bunya, isho Mwaami Lesa nshaapatite. Balo balabenga abana babo pashipaililo shabo ayi njimilambu.

Dutolonomi 18:14

Kuswawaawo Mose wakaamba ayi, “Bantu abo mbomutooya mukunyaya cishi balakonkela shaamba bamukamwaami abaŋanga. Sombi mwebo, Mwaami Lesa, Lesa wanu wamukasha kucita boobo.

Dutolonomi 18:9

“Ono na mukashike mucishi ico Mwaami Lesa, Lesa wanu ncaatoomupa, mutakeeleshi kukonkela micito ibiibi ya mishobo ya kooko.