2 Makani 26:9 - Baibo Busansulushi Bwa Libuku Ili

⁹ Kuswawaawo Usiya wakayaka maanda alaamfu a beshikulindilila muJelusalemu kuMwinjililo wa Likonko akuMwinjililo wa Cinyika alimwi apalikonko lya lubumbu. Maanda aya oonse wakaayakila mulilinga.

2 Makani 26:9 ပူးပေါင်းရင်းမြစ်များ

2 Baami 14:13

Jeowashi wakatola busha Amasiya mwaami wa bene Juda mwanaakwe Jowashi, mwishikulu wakwe Aasiya akuya kundabala ya Jelusalemu. Lyalo wakamwaya lubumbu lwa njiyo kuswa kumwinjililo wa Efuleemu kuya mukushika kumwinjililo wa Likonko, mushinso wa mamita ali mpashi 200.

2 Makani 25:23

Jeowashi wakatola busha Amasiya kundabala ya Jelusalemu. Lyalo wakamwaya lubumbu lwa njiyo kuswa kumwinjililo wa Efuleemu kuya mukushika kumwinjililo wa Likonko, mushinso wa mamita ali mpashi 200.

Neyemiya 2:13

Ono ciindi ca mashiku ndakaswita kuMwinjililo wa Cinyika akululama kuMukalo wa Shinshimwe akushika kuMwinjililo wa Ntantaala. Ndakalinga kuya cibona lubumbu lwa Jelusalemu ulo lwakamwayululwa aminjililo ya ndulo iyo yakanyonyoolwa amulilo.

Neyemiya 2:15

Aboobo ndakeenda kuCinyika ca Kidiloni kakushiyite kuya bulangalanga lubumbu. Kuswawaawo ndakaboola akwinjilila kuMwinjililo wa Cinyika.

Neyemiya 3:13

Anuni abantu ba kuSanowa bakayakulula Mwinjililo wa Cinyika. Bakabika shisamu sha nguwo, shisasa, shakupingilaamo ampingilo mumisena ya nshisho. Bakayakulula lubumbu lulaampa mamita 440 kuya mukushika kuMwinjililo wa Ntantaala.

Neyemiya 3:24

Binuyi mwanaakwe Enadadi wakayakulula cipansha ca lubumbu cakakonkelaawo kuswa kuŋanda yakwe Asaliya kushika kulikonko lya lubumbu.

Neyemiya 3:32

Beshikufula golodi abeshimakwebo mbobakayakulula cipansha cakweelaako ca lubumbu. Bakatalikila pacipinda ca peculu lya likonko kuya mukushika kuMwinjililo wa Mbelele.

Jelemiya 31:38

Mwaami Lesa waamba ayi, “Ciindi cilaakushika ndabala inene ya Jelusalemu ndyeshi ikayakwe alimwi ayi nindabala yangu kuswa kuŊanda ilaamfu ya Ananelo kumbo kuya mukushika akuMwinjililo wa Likonko.

Sekaliya 14:10

Cishi coonse kuswa kuGeba kuya mukushika kuLimoni kumalenge lya ndabala ya Jelusalemu, cilaakuba ceelene anga ncishi ca Alaba. Sombi ndabala ya Jelusalemu ilaakutolwa peculu akwikalilila peenka apo. Ndabala ilaakutalikila kuMwinjililo wakwe Benjameni kuya mukushika kumusena wa Mwinjililo Utaanshi, nkokwaamba ayi kuMwinjililo wa paLikonko alimwi kuswa kuŋanda ilaamfu ya Ananelo kuya mukushika kushilindi shakutyaninamo minyansa sha kubwalo.