2 Makani 2:6 - Baibo Busansulushi Bwa Libuku Ili

⁶ Sombi taaku muntu weenga wayakila Lesa Ŋanda mukwiinga nabibo liculu lyaceyabo kulaale kwaamba ayi ekaleemo. Ono nebo inga ndakonsha buyani kuyakila Lesa Ŋanda? Sa te inga ndayakabo musena wakutentelaako tununkila kabotu pameenso akwe?

2 Makani 2:6 ပူးပေါင်းရင်းမြစ်များ

2 Samwelo 7:18

Mpomunyaawo Defedi wakenjila muTente lya Cipangano, waya wekala kunembo lya Mwaami Lesa akupaila ayi, “Anu nebo noBaami baLesa noBeshinkusu shoonse ndime ni? Abalo bamuŋanda yangu mbaani pameenso anu cakwaamba ayi inga mwanshisha mpoombete sunu?

1 Baami 7:13

Mwaami Solomoni wakatuma nkombe yakwiita musankwa wiitwa ayi Ulamu, wakalinga kwishi shakupangapanga uyo wakalinga kwikala mundabala inene ya Taya. Wakalinga kwishi abuumbi kupanga shintu sha bulonse.

1 Baami 7:14

Baishi, abo bakalinga kufwite kale, bakalinga bene Taya. Abalo bakalinga kwishi abuumbi kupanga shintu sha bulonse. Banyina bakaswa kumukowa wakwe Nafutali. Ulamu wakalinga kucenjete alimwi wakalinga shikupanga shintu sha bulonse ucishi abuumbi. Wakasumina kwiita kwakwe Solomoni ayi abe mweendeleshi wa beshikupanga shintu sha bulonse.

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Makani 22:15

Ulicite basebenshi baanji. Kuli basankwa beshikutimbula mabwe, beshikuyakisha mabwe, beshikupala mapulanga alimwi abamwi bacishi kupanga shintu shipusenepusene

1 Makani 29:14

“Ono nceebonshi nebo abantu bangu nceenga twakondelwa ayi twamupa shipo ishi? Shintu shoonse shilaswa kuli ndimwe, aboobo twabooshabo shintu shili kale shaanu.

2 Makani 1:10

Anu amumpe busongo alushibo ayi nkonshe kulela bantu aba. Kwabula boobo inga ndakonsha buyani kulela mushobo wa bantu banu uyu unene bobulya?”

2 Makani 6:18

“Ono sa cilaamba ayi mwebo nobaLesa ndushinisho inga mwekala mucishi ca panshi pakati ka bantu? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Kulonga 3:11

Sombi Mose wakaambila Lesa ayi, “Nebo taaku mboombete. Ino inga ndaya buyani kumwaami alimwi akukusha bene Isilaeli mucishi cakwe ca Ijipiti?”

Kulonga 31:5

Ndamupa abusongo bwakutimbula kabotu mabwe alimwi akwaabamba mpwaaelete, kubesa shisamu, alimwi akucita milimo imwi yoonse ya buyaki.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Jelemiya 23:24

Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.

2 Bene Kolinto 2:16

Kubaabo batoosoweka, bweema ubo mbwalufu. Sombi kubaabo beshi bakapulushikwe, mbubotu alimwi bulaleta buumi. Ono ngani weelete kucita mulimo wa mushobo uyu?

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:14

Paceebo ceeci mukanoopetabo kumusena womwi uyo Mwaami Lesa ngweshi akasaale mucishi ca mukowa omwi pakati kanu. Aboobo kumusena weenkabo uyo nkweshi mukanoopeta milambu yanu yakutenta akucitila shintu shimwi shoonse nshendamulwiita.

Dutolonomi 12:26

Amukatole shipo shanu ashintu shimwi nshemwakashomesha cakulumbila kupa Mwaami Lesa kumusena womwi uyo wakulambililaako ngweshi akasaale.