2 Makani 2:5 - Baibo Busansulushi Bwa Libuku Ili

⁵ Ŋanda yakwe Lesa iyo njeshi nkayake ilaakuba yabulemu mukwiinga Lesa wesu ulicite bulemu kwiinda balesa bamwi boonse.

2 Makani 2:5 ပူးပေါင်းရင်းမြစ်များ

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Baami 9:8

Iyi Ŋanda yangu ilaakuba litongo alimwi muntu woonse weshi akeendileeko ulaakukankamana abuumbi cakufwa aboowa akwiipusha ayi, ‘Ceebonshi Mwaami Lesa wakacita bobulya cishi ici aŊanda yakwe iyi?’

1 Makani 16:25

Mwaami Lesa uleendaawo alimwi ulyeelete kulumbaishikwa. Ncakwiila ulyeelete kulemekwa kwiinda balesa boonse.

1 Makani 29:1

Mpomunyaawo mwaami Defedi wakaambila bantu boonse ayi, “Mwanaangu Solomoni uyo Lesa ngwaakasala ucili mwanike alimwi taana kuba alushibo. Mulimo uyu ngunene mukwiinga teshi kuyaka ŋanda ya bwaami ya muntu wa pacishi cino, sombi niŊanda ya Mwaami Lesa, Lesa wesu.

1 Makani 29:14

“Ono nceebonshi nebo abantu bangu nceenga twakondelwa ayi twamupa shipo ishi? Shintu shoonse shilaswa kuli ndimwe, aboobo twabooshabo shintu shili kale shaanu.

2 Makani 2:9

pakutimbula mapulanga aanji. Ntoocita boobo mukwiinga Ŋanda yakwe Lesa iyo njentooyaka ilaakuba inene alimwi yabulemu buunji.

2 Makani 29:11

Nobana bangu mutasoowi ciindi. Mwaami Lesa wakasala ndimwe ayi munoomutentela tununkila kabotu akunootanjilila bantu mukulambila nguwe.”

2 Makani 6:18

“Ono sa cilaamba ayi mwebo nobaLesa ndushinisho inga mwekala mucishi ca panshi pakati ka bantu? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

Kulumbaisha 135:5

Ndishi kwaamba ayi Mwaami Lesa ngumunene, ngumunene kwiinda balesa bamwi boonse.

Kulumbaisha 145:3

Mwaami Lesa ulicindeme abuumbi, aboobo ulyeelete kulemekwa camaansa obilo. Ndushinisho taaku ukonsha kwishiba bulemu bwakwe nkobweela.

Kulumbaisha 148:4

Amumulumbaishe noliculu lya maculu, amwebo nomaanshi ali kwiculu.

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Jelemiya 10:6

Taakuuwo muntu nabi womwi weelene andimwe noBaami baLesa. Mwebo mulicite nkusu. Ncakwiila liina lyanu lilicite nkusu shiindaawo.

Esekelo 7:20

Bakalinga kulisumpula pashakulibotesha shabo shibotu akushisebensesha kupanga shibumbwabumbwa shabo shileensha bunya ashikoshanyo shifundoosha kumoyo. Paceebo ceeco Mwaami Lesa ulaakulengesha bubile bwabo kuba anga ngamatombe kuli mbabo.

1 Timoti 6:15

Lesa ulaakumulengesha kuboneka paciindi ceelete, Lesa shicoolwe uli ngomweendeleshi eenkabo, mweendeleshi wa beendeleshi alimwi Mwaami wa baami.