2 Makani 2:3 - Baibo Busansulushi Bwa Libuku Ili

³ Solomoni wakatuma nkombe kumwaami Ilamu wa kuTaya ayi, “Atusebensele pantu pomwi bweenka mbomwakalinga kusebensa abata baami baDefedi ndimwakoolisha shisamu sha sida shakuyakisha ŋanda yabo ya bwaami.

2 Makani 2:3 ပူးပေါင်းရင်းမြစ်များ

2 Samwelo 5:11

Ono Ilamu mwaami wa cishi ca Taya wakatumya beshinkombe, pantu pomwi aminkulwa ya shisamu sha sida, babeseshi ba mapulanga alimwi abeshikuyakisha mabwe. Mpeeke bakayakila Defedi ŋanda ya bwaami.

1 Makani 14:1

Ono Ilamu mwaami wa cishi ca Taya wakatumya beshinkombe, pantu pomwi aminkulwa ya shisamu sha sida, beshikuyakisha mabwe alimwi ababeseshi ba mapulanga. Mpeeke bakayakila Defedi ŋanda ya bwaami.

2 Makani 13:11

Lyoonse macuunsa amacolesha balabenga milambu yakutenta aya tununkila kabotu kuMwaami Lesa. Balabika shimaande patebulu iyo Isalalite kweelana aMilawo alimwi macolesha oonse balanyansha malampi ali pashakwaabikaawo sha golodi. Swebo tulakonkela mbwaakatwaambila Mwaami Lesa, sombi mwebo mwakamushiya.

2 Makani 24:14

Mulimo wakubamba ndiwakamanishikwa, maali akacaala bakaapa mwaami alimwi aJeoiyada ayo ngwaakapangisha shisebensesho sha golodi asilifa, nkokwaamba ayi mbale shifongomene ashintu shimwi sha muŊanda yakwe Lesa. Mubuumi bwakwe Jeoiyada boonse, milambu yakutenta yakalinga kubengwa kuŊanda yakwe Lesa.

2 Makani 4:19

Solomoni wakapanga ashakubotesha shimwi sha golodi muŊanda yakwe Lesa. Wakapanga cipaililo atebulu apo pakalinga kubikwa shimaande shipekwa kuMwaami Lesa.

2 Makani 8:13

Wakabenga milambu yakutenta iyo kweelana aMilawo yakwe Mose yakubenga nshiku shakookesha sha Cibelu, bushiku bwa Mweenshi Upya anshiiku shimwi shakusekelela sha pamwaaka amwaaka mbuli bushiku bwakusekelela kulya Cimaande, bushiku bwakusekelela Kutebula alimwi abushiku bwakusekelela kwa Shimpaka.

Esila 6:3

“Mumwaaka wakutaanguna mubweendeleshi bwa mwaami Sailasi, mwaami wakapa mulawo paŊanda yakwe Lesa muJelusalemu ayi ayiyakwe umo mweelete kubengelwa milambu. Ŋanda iyo ilyeelete kuba amamita ali 27 kuya mwiculu alimwi mamita ali 27 mubufwaafwi.

Neyemiya 10:34

Swebo, nkokwaamba ayi bapailishi, bene Lefi abantubo tunanokuuma cisolo mwaaka amwaaka kwaamba ayi twishibe shipani sheelete kuleta nkuni isho nshakutentesha milambu yabengwa kuMwaami Lesa, Lesa wesu kuŊanda yakwe paciindi ceelete mumwaaka bweenka mbocilembetwe muMilawo.

Kulonga 25:30

Tebulu iyi ilyeelete kutulwa kunembo lya Libokoshi lya Cipangano. Apalo peculu patebulu, palyeelete kunoocanika cimaande cipekwa kuli ndime lyoonsebo.

Kulonga 29:38

“Anu lyoonsebo pabushiku, ukanoobenga mulambu pacipaililo wa bana ba mbelele bobilo bacite mwaaka womwi.

Kulonga 29:39

Mwanaambelele umwi akanoobengwa macuunsa alakwe umwi macolesha.

Kulonga 29:41

Alakwe mwanaambelele umwi ukamubenge macolesha akutenta fulaulo, mafuta a olifi alimwi awaini. Shoonse shikanokweelene bweenka mbuli sha macuunsa ayi ncipo ca shakulya kuli ndime neMwaami Lesa. Bweema bwa nshisho bulansangalasha.

Kulonga 30:7

Anu lyoonse macuunsa na Aloni wesa mukubamba malampi, ulyeelete kutentelawo tununkila kabotu abuumbi pacipaililo ico.

Bene Lefi 23:2

“Lwiita bene Isilaeli ayi ishi nshenshiku shakusekelela nshendasala nebo neMwaami Lesa isho nshebeelete kubungana ayi banambile.

Bene Lefi 9:17

Pesule wakapa cipo ca fulaulo akutapulawo lupaka lwa fulaulo alimwi akuutenta pacipaililo. Uku kwakalinga nkwiilika pamulambu wakutenta wa nshiku shoonse.

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Shakubelenga 28:9

“Ono pabushiku bwakookesha bwa Cibelu balyeelete kubenga bana ba mbelele bobilo basankwa bacite mwaaka womwi alimwi batacite kampenda, makilogilamu obilo a fulaulo upelekete usenkene amafuta a olifi ayi ncipo ca fulaulo pantu pomwi acipo ca cakunwa.