2 Makani 17:9 - Baibo Busansulushi Bwa Libuku Ili

⁹ Bakabwesa libuku lya Milawo ya Mwaami Lesa akuyaalyo mumandabala oonse muJuda kuya ciisha shakalinga mulibuku ilyo kubantu.

2 Makani 17:9 ပူးပေါင်းရင်းမြစ်များ

2 Makani 15:3

Kwaciindi cilaamfu bene Isilaeli balinga kwikala kabateshi Lesa wancinencine alimwi kabatacitewo bapailishi beenga babeeisha nabi milawo.

2 Makani 19:8

Lyalo muJelusalemu Jeoshafati wakasala bene Lefi bamwi, bapailishi bamwi alimwi abamatanjilili ba bamumaandaabo bamwi ayi banokoombolosha milandu yakusotoka Milawo ya Mwaami Lesa akumana kupusana pakati ka bantu abo bakalinga kwikala muJelusalemu.

2 Makani 35:3

Wakalwiita bene Lefi abo bakalinga kwiisha bene Isilaeli boonse abo bakasalashikwa ayi basebensele Mwaami Lesa ayi, “Mubike Libokoshi lya Cipangano muŊanda yakwe Lesa iyo mwaami Solomoni mwanaakwe Defedi njaakayaka. Tamweelete kwiilonshalonsha pashifushi shanu, sombi munanoosebensela Mwaami Lesa, Lesa wanu abantu bakwe bene Isilaeli.

Neyemiya 8:7

Kuswawaawo bantu bakanyamuka akwiimikana mumisena yabo. Lyalo bene Lefi, nkokwaamba ayi Jeshuwa, Bani, Shelebiya, Jamini, Akubu, Shabetayi, Odiya, Maseiya, Kelita, Asaliya, Josabadi, Anani aPelaya bakalinga kubasansulwita Milawo.

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Mateyo 10:23

Na bakamupenshe mundabala imwi, mukacicile kundabala imwi. Ntoomwaambila calushinisho ayi kamutana kumanisha mandabala oonse a muIsilaeli, MwanaaMuntu ulaakwisa.

Mateyo 11:1

Jesu ndyaakamana kwiisha bashikwiiya bakwe bali likumi abobilo, wakaswaako uko akuya bwiisha akushimikila mumandabala.

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Joni 5:46

Na mwakalinga mwashoma Mose cancinencine, anebo naakwiinga mwanshooma mukwiinga Mose wakalemba shapali ndime.

Milimo ya Batumwi 13:15

Ndyaakamana kubelengwa maswi amwi a muMilawo yakwe Mose, alimwi amumalembo a balaluki bakulukulu bamwi, beendeleshi ba coonde bakatuma maswi akwaamba ayi, “Nobamakwesu, na mulicite maswi akuyumya bantu kuno, twamusenga ayi mwaambe.”

Milimo ya Batumwi 15:21

Mukwiinga Milawo yakwe Mose yakatalikabo kale kale kubelengwa mushoonde sha baJuda. Aboobo bantu balashimikila maswi ngaakaamba lyoonse pabushiku bwakookesha bwa Cibelu mumandabala oonse.”

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

Milimo ya Batumwi 8:40

Lakwe Filipo wakalibonenabo kuAsotasi. Wakashimikila Makani Abotu mumandabala oonse kushikila washika kuSisaliya.

Bene Loma 3:2

Muli mpindu inene abuumbi ceebo Lesa wakataanguna kupa baJuda makani akwe kwaamba ayi baalaame.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.