2 Makani 16:4 - Baibo Busansulushi Bwa Libuku Ili

⁴ Mwaami Benadadi wakasumina shaakaamba Asa akutuma bashilumamba abamatanjilili babo ayi baye balwane mandabala anene a mucishi ca Isilaeli. Bakakoma Ijoni, Dani, Abelo Beti Maaka, alimwi amandabala anene oonse mucishi cakwe Nafutali umo mwakalinga kusungilwa shakulya.

2 Makani 16:4 ပူးပေါင်းရင်းမြစ်များ

Matalikilo 14:14

Abulamu ndyaakanyumfwa kwaamba ayi mwiicwa wakwe watolwa busha, wakabunganya basankwa beshikulwana pamisumba yakwe abo bakalinga kushika 318 boonse pantu pomwi. Mpeeke bakakonkela bamaami abo kuya mukushika akuDani.

1 Baami 15:20

Mwaami Benadadi wakasumina shaakaamba Asa akutuma bashilumamba abamatanjilili babo ayi baye balwane mandabala anene a mucishi ca Isilaeli. Bakakoma Ijoni, Dani, Abelo Beti Maaka, musena uli kufwaafwi aLweenge lwa Galili alimwi acishi coonse cakwe Nafutali.

1 Baami 9:19

Wakayakulula mandabala anene uko shakulya nkoshakalinga kusungwa alimwi akooko kwakalinga kusungwa maaki ashikoci shakwe. Kuswawaawo wakayaka shoonse shaakalinga kusuni muJelusalemu, muLebanoni akumwi koonse mucishi cakwe.

2 Baami 16:9

Tigilati Pilesa, mukucita kweelana akusenga kwakwe Aasi wakaya abeshilumamba mukulwana ndabala ya Damasikasi. Wakeekoma, wacaya mwaami Lesini akutola bantu busha kuKili.

2 Makani 16:3

“Atupangane bushicibusa bweenka bamashali besu mbobakacita. Silifa alimwi agolodi iyo ncipo kuli ndimwe. Ono amucileeke kunyumfwana amwaami Baasha mwine Isilaeli kwaamba ayi akushe bashilumamba bakwe mucishi cangu.”

2 Makani 16:5

Mwaami Baasha ndyaakanyumfwa shakacitika, wakacileka kuyaka lilinga kushinguluka ndabala ya Lama.

2 Makani 17:12

Kuswawaawo Jeoshafati wakatolelela kuya ciba ankusu. Mucishi ca Juda coonse wakayaka malinga amandabala anene

2 Makani 8:6

kubikaawo andabala inene ya Baalati, mandabala akusungilaamo shintu alimwi amandabala umo mobakalinga kubika maaki ashikoci shakwe. Wakayaka cili coonse ncaakalinga kusuni kuyaka mundabala ya Jelusalemu, mucishi ca Lebanoni amucishi coonse ico ncaakalinga kulela.

Kulonga 1:11

Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.

Isaya 9:1

Nakubi boobo teshi kukabe munshinshe alimwi kuli baabo bakalinga kupenshekwa. Kalekale Lesa wakabombya cishi ca bene Sebuluni aca bene Nafutali, sombi muciindi citoosa balaakupa bulemu kucishi ca Galili uko kwikala baswamashi bakunsengwe. Nkokwaamba ayi cishi ciswa kuLweenge lwa Mediteleniyani kushika kucishi cili kwitala lya kwicwe lya Mulonga wa Joodani.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.