2 Makani 14:3 - Baibo Busansulushi Bwa Libuku Ili

³ Wakakushamo shipaililo sha bakunsengwe, kunyonyoola misena yakulambililaako ya patulundu, kupwaya macinko asalalite akutimboola shikoshanyo shakwe Ashela lesa mwanakashi.

2 Makani 14:3 ပူးပေါင်းရင်းမြစ်များ

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

2 Baami 18:4

Wakanyonyoola misena yakulambililaako ya patulundu. Wakapwaya libwe lyakeemikwa akutimboola shikoshanyo shakwe Ashela lesa mwanakashi. Ayalo nsoka ya bulonse iyo Mose njaakalinga apanga wakeepwayoola mutupanshapansha mukwiinga bene Isilaeli bakalinga kubenga tununkila kabotu mukwiilemeka. Nsoka iyo yakalinga kwiitwa ayi Neushitani.

2 Baami 23:14

Mwaami Josiya wakapwaya macinko asalalite mutupanshapansha. Wakatimboola shikoshanyo shakwe Ashela lesa mwanakashi akufweka waawo mposhakalinga kwiimfwi ashifuwa sha bantu.

2 Baami 23:6

Mpeeke muŊanda yakwe Lesa wakakushaamo cikoshanyo cakwe Ashela lesa mwanakashi, wacikusha mundabala akucitola kuCinyika ca Kidiloni kuya mukucitenta uko. Lyalo wakacipelapela kushikila caba busu akusanseela busu ubo pashuumbwe sha bantubo.

2 Makani 14:2

Asa wakacita shakakonda Mwaami Lesa, Lesa wakwe mukucita shintu shiluleme ashibotu.

2 Makani 14:4

Wakaambila bantu ayi banoolambilabo Mwaami Lesa, Lesa wa bamashali babo akulama milawo amilasho yakwe.

2 Makani 15:17

Nacibi kwaamba ayi Asa taakwe kunyonyoola misena yoonse yakulambililaako ya patulundu, wakalinga kushomeka kuMwaami Lesa mubuumi bwakwe boonse.

2 Makani 33:16

Mpeeke wakayakulula cipaililo apo Mwaami Lesa mpwaakalinga kulambililwa. Wakabenga milambu ya bwanabwankashi amilambu yakulumba pali ncico. Lyalo wakaambila bene Juda boonse ayi banoosebenselabo Mwaami Lesa, Lesa wa bene Isilaeli.

2 Makani 34:4

Bakamwayulula shipaililo shakwe Baali kweelana ambwaakabaambila Josiya. Bakapwayoola ashipaililo sha tununkila kabotu shakalinga pafwaafwi anshisho, shikoshanyo shakwe Ashela alimwi ashibumbwabumbwa shimwi shoonse. Lyalo bakasanseela busu bwa nshisho pashuumbwe sha baabo bakalinga kubenga milambu kuli nshisho.

Kulonga 34:13

Sombi mukamwayulule shipaililo shabo, mukanyonyoole mabwe ngobakeemika pamisena yakulambililaawo alimwi akutimbula shikoshanyo shakwe Ashela, lesa wabo mwanakashi wakubesa.

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Dutolonomi 7:25

Shibumbwabumbwa shabo mukashiteente. Tamweelete kukumbwa silifa agolodi ili pali nshisho alimwi tamweelete kwiibwesa. Na mukacite boobo cilaakumucaisha. Mukwiinga bantu balambila shibumbwabumbwa, balalensha bunya Mwaami Lesa, Lesa wanu.

Dutolonomi 7:5

Sombi mukamwaaye shipaililo shabo, mukanyonyoole mabwe ngobakeemika pamisena yakulambilaawo alimwi akutimboola shikoshanyo shakwe Ashela, lesa wabo mwanakashi wakubesa akutenta shibumbwabumbwa shabo.