2 Makani 14:2 - Baibo Busansulushi Bwa Libuku Ili

² Asa wakacita shakakonda Mwaami Lesa, Lesa wakwe mukucita shintu shiluleme ashibotu.

2 Makani 14:2 ပူးပေါင်းရင်းမြစ်များ

1 Baami 15:11

Asa wakacita shakakonda Mwaami Lesa mbuli bwakalinga kucita Defedi mushali wakwe mukulukulu.

1 Baami 15:12

Wakatandaanya basankwa bakalinga kucitana bufuule kushipaililo bakunsengwe kuswa mucishi cakwe. Wakalobya ashibumbwabumbwa isho abo mbwaakapyana nshebakalinga babumba.

1 Baami 15:14

Nacibi kwaamba ayi Asa taakwe kunyonyoola misena yoonse yakulambililaako ya patulundu, wakalinga kushomeka kuMwaami Lesa mubuumi bwakwe boonse.

2 Makani 14:1

Abija wakafwa akubikwa kushuumbwe sha bamaami muNdabala inene yakwe Defedi. Lyalo Asa mwanaakwe ngowakapyana bwaami bwakwe. Mubwaami bwakwe Asa, cishi cakalinga muluumuno kwamyaaka likumi.

2 Makani 14:3

Wakakushamo shipaililo sha bakunsengwe, kunyonyoola misena yakulambililaako ya patulundu, kupwaya macinko asalalite akutimboola shikoshanyo shakwe Ashela lesa mwanakashi.

2 Makani 15:16

Mwaami Asa wakakusha bankambiyakwe banakashi baMaaka pacuuna cabo kuŋanda ya kubwalo mukwiinga bakalinga bapanga cikoshanyo cilensha bunya cakwe lesa mwanakashi Ashela. Asa wakacitimbula akucitenta muCinyika ca Kidiloni.

2 Makani 17:6

Wakalinga kusebensela Mwaami Lesa camoyo woonse alimwi wakanyonyoola misena yakulambililaako ya patulundu akutimboola shikoshanyo shakwe Ashela muJuda.

2 Makani 20:32

Wakacita shiluleme pameenso a Mwaami Lesa bweenka bwakacita baishi baAsa bataanshi pali nguwe.

2 Makani 21:12

Lyalo Elija mulaluki wakatumina Jeolamu nkalata yakalinga kwaamba ayi, “Mwaami Lesa, Lesa wakwe Defedi mushali wanu mukulukulu, wamupa mulandu mukwiinga tamukwe kukonkela nshila shibotu sha baishiwanu, baami baJeoshafati nabi bankambiyako baAsa baami ba bene Juda.

2 Makani 31:1

Kusekelela ndikwakamana, bene Isilaeli boonse bakalingaako bakaya kumandabala oonse ene Juda mukumwayulula macinko asalalite akutimboola shikoshanyo shakwe Ashela lesa mwanakashi. Bakanyonyoola misena yoonse yakulambililaako ya patulundu ashipaililo sha mucishi ca Juda coonse, ca Benjameni, ca Efuleemu alimwi aca Manase. Lyalo boonse bakaboolela mwabo mwabo.

2 Makani 31:20

Mwaami Esekiya wakacita shiluleme alimwi shisangalasha Mwaami Lesa, Lesa wakwe mucishi coonse ca Juda.

2 Makani 34:7

Nkokwaamba ayi mubwaami bwakumatwa wakamwayulula shipaililo, shikoshanyo shakwe Ashela lesa mwanakashi, kupwayoola shibumbwabumbwa shimwi ayi shibe busu akupwayoola shipaililo sha tununkila kabotu. Lyalo wakaboolela kuJelusalemu.

Kulonga 23:24

Mutakeeleshi kufukamina balesa babo nabi kubalambila, alimwi mutakakonkeli micito yakupaila kwabo. Sombi mukanyonyoole balesa babo alimwi akupwayoola mabwe ngobakeemika pamisena yakulambililaawo.

Luka 1:75

akweenda pameenso akwe katusalalite akululama nshiku shoonse sha buumi bwesu.

Dutolonomi 12:3

Mukamwayoole shipaililo shabo, mukanyonyoole mabwe ngobakeemika pamisena yakulambililaawo alimwi mukatente shikoshanyo shakwe Ashela mumulilo, lesa wabo mwanakashi wakubesa akutimboola shibumbwabumbwa shabo kwaamba ayi batakalambilili mumisena iyo lyobilo.