2 Makani 12:1 - Baibo Busansulushi Bwa Libuku Ili

¹ Kuswabo bwaami bwakwe Leoboamu ndibwakayuma, lakwe abantu bakwe bene Isilaeli bakacileka kukonkela Milawo ya Mwaami Lesa.

2 Makani 12:1 ပူးပေါင်းရင်းမြစ်များ

2 Makani 11:17

Aba bakayuminisha bwaami bwa bene Juda. Bakalinga kucafwa Leoboamu mwanaakwe Solomoni kwamyaaka yotatwe akwikala bweenka mbobakalinga kwikala mubwaami bwakwe Defedi alimwi abwakwe Solomoni.

2 Makani 12:13

Bwaami bwa mwaami Leoboamu bwakayuma abuumbi muJelusalemu alimwi wakalela kwaciindi cilaamfu. Wakalinga kucite myaaka makumi one awomwi ndyaakaba mwaami alimwi wakalela myaaka likumi ayosanwe ayobilo muJelusalemu, ndabala inene iyo Mwaami Lesa njaakasala pakati ka mikowa yoonse ya bene Isilaeli ayi ibe musena mweshi anoolambililwa. Leoboamu wakalinga mwanaakwe Naama, mwanakashi mwine Amoni.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Osiya 13:1

Kalekale na bene Efuleemu baamba, bamumikowa imwi ya bene Isilaeli bakalinga kuloonda. Ncakwiila bene Efuleemu bakalinga kulemekwa pakati ka bene Isilaeli, sombi bakabisha kwiinda mukulambila Baali. Aboobo balaakumana kufwa.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

2 Makani 11:3

aambe maswi aya kuli Leoboamu mwanaakwe Solomoni mwaami wa bene Juda akubantu boonse bene Juda abene Benjameni ayi,

2 Baami 17:19

Nakubi boobo abalo bene Juda tabakwe kukonkela milawo ya Mwaami Lesa, Lesa wabo. Bakakonkela kwishibila kwa bene Isilaeli.

1 Baami 12:17

Nakubi boobo bene Isilaeli abo bakalinga kwikala mucishi ca Juda, wakabalela.

1 Baami 9:9

Bantu balaakunookumbula ayi, ‘Mukwiinga bakafutatila Mwaami Lesa, Lesa wabo uyo wakakusha bamashali babo bakulukulu kuswa muIjipiti. Bakatalika kulemeka balesa bamwi akubalambila. Nceceeco Mwaami Lesa ncaalengeshela ayi kunyonyooka uku kucitike pali mbabo.’ ”

Dutolonomi 32:18

Bakakaka Mwaandami, Lesa uyo wakabalenga, Bakaluba Lesa wabo uyo wakabapa buumi.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

2 Makani 11:23

Mukucenjela kwakwe, Leoboamu wakapa bana bakwe milimo ipusenepusene. Wakatuma bana bakwe bamwi mushipansha sha cishi ca Juda alimwi aca Benjameni alimwi amumandabala anene akayakilwa malinga. Wakabapa buboni buunji akubeebela banakashi baanji.

Boomboloshi 2:15

Anu lyoonse na baya mukulwana, Mwaami Lesa wakalinga kubalengesha kukomwa kweelana ambwaakashomesha. Aboobo bakapenga abuumbi.

1 Baami 14:21

Leoboamu mwanaakwe Solomoni wakalinga kucite myaaka makumi one amwaaka womwi ndyaakaba mwaami wa cishi ca Juda. Wakalela kwamyaaka ili likumi ayosanwe alimwi ayobilo muJelusalemu, musena uyo Mwaami Lesa ngwaakasala mucishi ca Isilaeli coonse ayi anoolambililwaako. Banyina Leoboamu bakalinga ba Naama bakaswa kuAmoni.

2 Makani 24:18

Mpeeke bantu boonse bakacileka kulambila Mwaami Lesa, Lesa wa bamashali babo bakulukulu muŊanda yakwe Lesa akutalika kulambila shibumbwabumbwa ashikoshanyo shakwe Ashela lesa mwanakashi. Mulandu wa shibiibi isho wakasonkomona bukali bwa Mwaami Lesa kwisa pabene Juda abene Jelusalemu.

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.