2 Makani 11:4 - Baibo Busansulushi Bwa Libuku Ili

⁴ “Mutalwani bene Isilaelinyinaanu. Kamuya kumishaanu noonsebo. Ico cacitika mukuyanda kwangu.” Lyalo boonse bakanyumfwila shakaamba Mwaami Lesa. Aboobo tabakwe kuya mukulwana Jeloboamu.

2 Makani 11:4 ပူးပေါင်းရင်းမြစ်များ

Matalikilo 13:8

Aboobo Abulamu wakaambila Loti ayi, “Patabi kwaambana pakati kako anebo, nabi pakati ka beembeshi bako abaangu ceebo tuli bamukowa.

Matalikilo 50:20

Cibiibi ncemwakanjeyela kuncita Lesa wakacaalula caba bubotu, kwaamba ayi bantu baanji bapuluke alimwi bacili boomi bulya kwiinda muceeco cakacitika.

2 Samwelo 2:26

Kuswawaawo Abina wakoolobesha kuli Joabu ayi, “Sa tunanoolwanabo lyoonse? Sa toobwene kwaamba ayi ici kumamanino cilaakukubicila? Anu ulaakukasha lili bashilumamba bako ayi bacileke kuya citandaanya bamakwababo?”

1 Baami 22:36

Lisuba ndilyakalinga kuya cipila, cakaambilishikwa kubashilumamba bene Isilaeli ayi, “Womwi awomwi aboolele kundabala yakwe mucishi cine mishaabo!”

2 Makani 11:3

aambe maswi aya kuli Leoboamu mwanaakwe Solomoni mwaami wa bene Juda akubantu boonse bene Juda abene Benjameni ayi,

Kulumbaisha 33:11

Sombi miyeeyo ya Mwaami Lesa nja lyoonse alyoonse, Nshaabambite mumoyo wakwe shilacitwa mumashalane oonse.

Osiya 8:4

“Bantu bangu bakalinga kusala bamaami palwaabobo beene. Ncakwiila bakalinga kupa shuuna beendeleshi babo kwakutabasuminisha nebo. Kwiinda musilifa agolodi wabo balapangamo shibumbwabumbwa shabo isho sheshi shibaletelebo kunyonyooka.

Milimo ya Batumwi 7:26

Bushiku bwakaboolaawo, Mose wakacana bene Isilaeli bobilo kabalwana. Mpeeke wakeelesha kubalamwita. Wakabaambila ayi, ‘Mwebo namata, bana muli bamukowa, anu mutoolwaninanshi?’

Bene Ebulu 13:1

Amutolelele kusunana mbuli bamukowa.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.