2 Makani 1:11 - Baibo Busansulushi Bwa Libuku Ili

¹¹ Lesa wakakumbula Solomoni ayi, “Webo wasala cintu cibotu abuumbi. Tookwe kusenga buboni, bubile nabi bulemu alimwi tookwe kusenga kufwa kwa balwani bako nabi buumi bulaamfu. Sombi wasenga busongo alushibo ayi ukonshe kulela bantu bangu abo mbondakakulengesha kwaamba ayi ube mwaami wabo.

2 Makani 1:11 ပူးပေါင်းရင်းမြစ်များ

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Tushimpi 23:7

ceebo ngumuntu uyo ubikabo maano kumweelo wa shakulya isho. Pakulya ulaamba ayi, “Kolyabo, konwabo,” sombi mumoyo kaacimitwe.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Milimo ya Batumwi 5:4

Kootana kubuulisha bwakalinga bwaako alimwi andiwakoolisha, maali akalinga aako. Ono nciinshi ncewakayeeyela kucita cintu ca mushobo wooyu? Anu tookwe kubeca bantu, sombi Lesa mwiine!”

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

1 Makani 28:2

Defedi wakeemikana kunembo lyabo akubaambila ayi, “Nobene misheesu, amunkutike. Ndalinga kusuni kuyaka ŋanda yakukalikamo Libokoshi lya Cipangano, ilyo lili mpopakulyata myeendo pakwe Lesa wesu. Ndakalibambila ashiyandika kwaamba ayi njake Ŋanda yakumulambililaamo.

1 Baami 8:18

Sombi Mwaami Lesa wakaambila bata ayi, ‘Wakalulika kubamba muyeeyo wakunjakila ŋanda,

2 Makani 1:12

Paceebo ceeco ntookupa busongo alushibo. Peculu lya sheesho ndaakukupa buboni, bubile alimwi abulemu isho shitakwe kubawo kale amwaami wakalingaako webo kootana kuba mwaami nabi umwi weshi akese.”

1 Baami 10:24

Bamucishi coonse ca panshi bakalinga kusuni kuya mukunyumfwa busongo ubo Lesa mbwaakamupa.

Tushimpi 8:15

Ndacafwa bamaami kweendelesha. Ndacafwa baleli kupanga milawo ibotu.