2 Bene Tesalonika 3:3 - Baibo Busansulushi Bwa Libuku Ili

³ Sombi Lesa ulashomeka, aboobo utoomuyumyayumya akumufuna kuswa kuMubiibi ulya.

2 Bene Tesalonika 3:3 ပူးပေါင်းရင်းမြစ်များ

Matalikilo 48:16

Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

1 Makani 4:10

Jabesi wakapaila kuli Lesa wa bene Isilaeli ayi, “NobaLesa, amumpe coolwe cakuba acishi cinene. Amube anebo akuntabilila kuswa kushintu sheenga shancisa kwaamba ayi ntakanyumfwiwo kucisa.” Lyalo Lesa wakamupa isho shoonse nshaakasenga.

Kulumbaisha 121:7

Mwaami Lesa ulaakukufuna kushintu shoonse shikonsha kukucisa. Ndushinisho ngweshi akalame buumi bwako.

Kulumbaisha 19:13

Amuntalamushe kushibiibi shakashanga, ayi shitanyendeleshi napaceyuubo, sobwe. Munshila iyo ndyeshi nkabe muntu utacite kampenda, ncakwiila muntu utacite mulandu unene wiindaawo.

Mateyo 5:37

Mwebo amweelebo pakwaamba ayi, ‘Ee’ nabi ‘Sobwe’ mukwiinga na ceenda waawa, ingayi cilaswa kuli Satana.

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Luka 11:4

Amutulekelele shibiibi shesu bweenka mbotulekelela batubishisha. Mutatwinjishi mumasunko.’ ”

Joni 17:15

Nshintoopaila kwaamba ayi mubakusheemo mucishi cino, sobwe, sombi kwaamba ayi mubafuune kuswa kuMubiibi ulya.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

1 Bene Tesalonika 5:24

Uyo wakamwiita ulashomeka alimwi ulaakumucitila cintu ici.

2 Bene Tesalonika 2:17

aayumyeyumye myoyo yanu kwaamba ayi lyoonse kamwaamba akucita shiluleme.

2 Timoti 4:18

Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.