2 Bene Tesalonika 2:9 - Baibo Busansulushi Bwa Libuku Ili

⁹ Muntu Mubiibi ulya ulaakuyubuluka ankusu shakwe Satana. Ulaakucita shaankamiko sha mushobo uli woonse ashitondesho shabubeshi

2 Bene Tesalonika 2:9 ပူးပေါင်းရင်းမြစ်များ

2 Makani 18:20

kushikila mushimu wakesa kunembo lya Mwaami Lesa akwaamba ayi, ‘Ntooya nkamucenjeeke.’ Mwaami Lesa wakeepusha ayi, ‘Ulaakumucenjeeka buyani?’

Kulonga 7:22

Lyalo beshimampelampela ba mwaami Falawo abalo bakacita mbomunya ubo kwiinda munkusu shabo. Mpeeke mwaami taakwe kucilekaawo cimpamya cakwe. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 8:18

Beshimampelampela bakeelesha kusebensesha nkusu shabo kwaamba ayi balete mpobe, sombi bakaalilwa. Nakubi boobo mpobe shakakumanabo poonse poonse.

Kulonga 8:7

Sombi abalo beshimampelampela bakasebensesha nkusu shabo akukusha babombwe mumaanshi akwisa kwitala mucishi ca Ijipiti.

Isaya 29:10

Mwaami Lesa wamulengesha kushinshila ayi moone cakufwa. Balaluki abo bali anga ngomeenso anu wabacala pameenso. Ee, wacala meenso a beshikubona abo bamutanjilila.

Esekelo 14:5

Ndaakucita boobo kwaamba ayi mbooshe myoyo ya bene Isilaeli abo boonse bakanshiya ceebo ca shibumbwabumbwa.’

Mateyo 12:22

Mpomunyaawo bantu bamwi bakaleta musankwa moofu wakalinga kutaamba kuli Jesu ceebo wakalinga kucite shikaswa. Peenka wakamushilika, aboobo wakatalika kwaamba akubona.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Maako 13:22

Mukwiinga abo balyaamba ayi, ‘Ndime Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Luka 11:25

Ono na waboola ulacana muntu uyo ulibo kabotu.

Joni 4:48

Jesu wakamwaambila ayi, “Na mwabula kubona shaankamiko ashitondesho sha nkusu sha kwiculu shimwi, tamushomiiwo tau.”

Joni 8:41

Mwebo mutoocita shintu shakwe ishiwanu nobeene.” Mpomunyaawo balo bakamwaambila ayi, “Tatwishi baana ba mubulale. Tulicitebo ishiwesu womwibo ndondoli, Lesa.”

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

2 Bene Kolinto 11:14

Anu tacikankamanishi mukwiinga alakwe Satana ulalisandula kuboneka anga ngumunjelo wa mumuni.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

2 Timoti 3:8

Mbweeke Janesi aJambulesi mbobakapikisha Mose, abalo balapikisha shalushinisho.

Jemusi 3:15

Ceebo busongo bwa mushobo uyu tabuswi kwiculu. Bulaswa mucishi ca panshi, mbwa buntu alimwi mbwa bushikaswa.

Ciyubululo 12:17

Lyalo shinshimwe uyo wakakalala ceebo ca mwanakashi uyo. Mpeeke wakaya mukulwana abamulunyungu lwa mwanakashi bamwi boonse abo bakonkela milawo yakwe Lesa alimwi akushoma bukamboni bwakwe Jesu.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 18:23

Muli ndiwe teshi mukabonekeewo lilampi litoonyaka alimwi teshi mukanyumfwikeewo liswi lyakwe shibwiinga alyakwe nabwiinga. Beshimakwebo bako bakalinga mbobantu beendaawo nkusu mucishi coonse ca panshi. Ono kwiinda mumampelampela ako, wakacenjeeka bantu ba mishobo yoonse mucishi coonse ca panshi!”

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Ciyubululo 9:11

Shakalinga kucite amwaami shikusheendelesha, uli ngomunjelo shikubona pacilindi cilya citeeli. Liina lyakwe muciEbulu nguAbadoni, muciGiliki nguApolyoni, (nkokwaamba ayi, “Shikunyonyoola”).