2 Bene Tesalonika 2:7 - Baibo Busansulushi Bwa Libuku Ili

⁷ Bulya bantu batoocita kale bubi alimwi inga twabushibabo ceebo ca sheesho nshaakayubulula Lesa. Sombi uyo utoolengesha ayi butacitiki patuba utootolelela kucita boobo kushikila Lesa akamukusheewo.

2 Bene Tesalonika 2:7 ပူးပေါင်းရင်းမြစ်များ

Milimo ya Batumwi 20:29

Ndishi kwaamba ayi na nkasweewo palikoto lyanu, baumpe bakali balaakwisa pakati kanu alimwi teshi bakalekewo bamucoonde aba.

2 Bene Tesalonika 2:6

Ono nkocili cilengesha kwaamba ayi cikani ici citacitiki bulya alimwi mulicishi. Paciindi ceelete caakushikila Muntu Mubiibi ulya ulaakuyubuluka.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.

1 Joni 4:3

Sombi uyo woonse utasumini ayi Jesu wakesa mubuntu taacite Mushimu wakwe Lesa. Muntu wa mushobo wooyu ulicite mushimu uswa kuMulwani wakwe Klistu. Mwakanyumfwa ayi ulaakwisa alimwi bulya mwaali kale mucishi ca panshi.

Ciyubululo 17:5

Pankumo yakwe, pakalinga kulembetwe liina lya busansulushi bushisitwe lyakwaamba ayi, “Babiloni munene, mushali wa bafuule boonse alimwi amicito yoonse ilensha nsoni ya mucishi ca panshi.”

Ciyubululo 17:7

Lyalo munjelo uyo wakanjipusha ayi, “Ino wakankamananshi? Ntookusansulwita bushishi bwa pamwanakashi uyu alimwi amunyama uyu ngwaatantiteewo ucite mitwi yosanwe ayobilo alimwi ameeca ali likumi.