2 Bene Tesalonika 1:9 - Baibo Busansulushi Bwa Libuku Ili

⁹ Mulandu wabo ulaakuba kunyonyooka kutamaani. Balaakupansanishikwa kuMwaami wesu Jesu alimwi abulemu bwa nkusu shakwe.

2 Bene Tesalonika 1:9 ပူးပေါင်းရင်းမြစ်များ

Matalikilo 3:8

Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu.

Matalikilo 4:16

Mpeeke Kaini wakaswa pameenso akwe Lesa akuya mukwikala kumusena wiitwa ayi Nodi nkokwaamba ayi, “Kwiingooka” uyo uli kwicwe lya Edeni.

Jobo 21:14

Nakubi boobo balaambila Lesa ayi, ‘Tuleke sobeene. Tatucite ciindi cakwishiba nshila shako.

Jobo 22:17

Bakakaka Lesa akumwaambila ayi, ‘Tuleke sobeene! Ino Shinkusu shoonse inga wacitanshi kuli ndiswe?’

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Kulumbaisha 51:11

Mutantandaanyi kuswa kumeenso anu, nabi kunyaya Mushimu wanu Usalashi.

Isaya 1:28

Sombi ulaakulyatoola boonse bamucita shibi bamwaalookila. Ncakwiila ulaakucaya boonse bamufutatila.

Isaya 2:10

Nobantu, amuyube mushimfwengo mutulundu twa myaandami, nabi kukaba shilindi kwaamba ayi mucice bukali bwa Mwaami Lesa akuyuba nkusu abulemu bwakwe.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 2:21

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Isaya 66:24

“Balaakunyamuka akuya mukubona mituntu ya baabo bakaashukila ndime neMwaami Lesa. Ncakwiila mapila eshi akanoolya mituntu yabo teshi akafweewo awalo mulilo weshi ukabateente teshi ukashimishikweewo. Balaakunoolensha bunya kubantu boonse beenga babalanga.”

Danyelo 12:2

Bantu baanji baanji abo boona mubulongo bwa cishi ca panshi balaakubuka. Bamwi balaakubukila kuba abuumi butamaani, sombi bamwi balaakubukila kulenshekwa nsoni akuba cintu ceelete kushibulukwa kwalyoonse alyoonse.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 22:13

Lyalo mwaami wakaambila basebenshi bakwe ayi, ‘Amumwaange kumaansa akumyeendo, mumuwaale pansengwe kumunshinshe. Uko nkweshi anoolila akulumanya meeno.’ ”

Mateyo 24:30

Lyalo kulaakuboneka citondesho ca MwanaaMuntu mwiculu, mpeeke bantu ba mishobo yoonse ya pacishi ca panshi balaakulila, ndyeshi bakabone MwanaaMuntu keesa mumakumbi ankusu alimwi abulemu bukankamika.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”

Mateyo 7:23

Sombi nebo ndaakubaambila patuba ayi, ‘Nshimwishiiwo napaceyi. Amusweewo apa mwebo nobamucita shibi!’

Luka 13:27

Sombi ulaakumwaambila alimwi ayi, ‘Nshishi ankomwaswita, amusweewo apa noonse nobamucita shibi!’

Joni 5:14

Kuswawaawo Jesu wakamucana musankwa uyo muŊanda yakwe Lesa akumwaambila ayi, “Bona waba kabotu ono, anu ucileeke kubisha mukwiinga cimwi cibiibi kwiinda cecilya inga caakukucitikila.”

Dutolonomi 33:2

Wakaamba ayi, “Mwaami Lesa wakaswa kuKalundu ka Sinayi. Wakaboneka anga ndisuba kuEdomu akumunikila bantu bakwe kuswa kuKalundu ka Palani. Wakesa abaanjelo bali shuulu likumi, kululyo lwakwe kwakalinga kunyaka mulilo.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

2 Pita 2:17

Bantu aba bali anga ntuntupu tutacite maanshi alimwi anga ngushikunku utolaanishikwabo amuuwo. Lesa wakababambila musena ushiyabo mbi.

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 20:14

Lyalo lufu alimwi amusena wa bafu shakawaalwa mulweenge lwa mulilo. (Lweenge lwa mulilo ulu ndolufu lwabili.)

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.