2 Bene Tesalonika 1:7 - Baibo Busansulushi Bwa Libuku Ili

⁷ alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.

2 Bene Tesalonika 1:7 ပူးပေါင်းရင်းမြစ်များ

Kulonga 19:18

Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.

Kulonga 3:2

Nkomunya uko, munjelo wa Mwaami Lesa wakaboneka kuli nguwe anga ngumulilo mucikupu. Mose wakacibona kacinyaka, sombi tecakalinga kupya.

Isaya 57:2

Abo bekala buumi bubotu balenjila muluumuno. Kufwa kwabo kulaba nkoona ayi bookeshe.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Esekelo 1:13

Shilengwa isho shakalinga kubonekabo anga ngamakalangasha a mulilo atoonyaka nabi cimunimwenge. Mulilo wakalinga kweenda kuya kunembo akuboola kwisule pashilengwa isho. Kwakalinga kutuba alimwi kuswa mumulilo uyo mwakalinga kuswa mabeebe.

Danyelo 7:9

“Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 26:64

Jesu wakamukumbula ayi, “Mwacaamba nobeene. Sombi ntoomwaambila noonse ayi, kuswa cecino ciindi mulaakubona MwanaaMuntu kaashiite kulyaansa lyalulyo lwa baIshi, Beshinkusu shoonse. Mulaakumubona keesa mumakumbi a kwiculu.”

Maako 14:62

Jesu wakakumbula ayi, “Ee, ndime, alimwi noonse mulaakubona MwanaaMuntu kaashite kulyaansa lyalulyo lya baIshi Beshinkusu shoonse. Mulaakumubona keesa mumakumbi a kwiculu.”

Maako 8:38

Paceebo ceeco uyo woonse unyumfwa nsoni ceebo ca ndime alimwi amaswi angu paciindi cino, mucishi ciswite bantu bamucita shibi, alakwe MwanaaMuntu ulaakumunyumfwila nsoni pakwisa abaanjelo basalalite, mubulemu bwa baIshi.”

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.

Luka 17:30

Kulaakuba bweenka ubo pabushiku MwanaaMuntu ndyeshi akayubululwe.

Joni 1:3

Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi.

Joni 1:51

Lyalo wakabaambila ayi, “Ncakwiila, ntoomulwiita ayi mulaakubona liculu lyacaluka abaanjelo bakwe Lesa kabatanta akuseluka paMwanaaMuntu.”

Milimo ya Batumwi 1:11

Basankwa abo bakabaambila ayi, “Mwebo nobene Galili, ceebonshi mweemikana paapo akulanga kwiculu? Uyu Jesu watolwa kwiculu kuswa kuli ndimwe, ulaakuboola alimwi bweenka mbuli mbomwamubona kaaya.”

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

1 Bene Kolinto 3:13

Ono Bushiku bwakwisa kwakwe Klistu, milimo ya muntu ilaakuboneka patuba ceebo Bushiku ubo bulaakwiitondesha. Bushiku ubo bulaakwisa amulilo uyo weshi ukeeleshe kubota kwa milimo ya muntu womwi awomwi.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Bene Efeso 1:2

Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Kolose 1:16

Mukwiinga kwiinda muli nguwe, Lesa wakalenga shintu shoonse, sha kwiculu alimwi asha mucishi ca panshi, shiboneka ashitaboneki, nkusu sha baanjelo, bamaami, beendeleshi alimwi abamaloba. Lesa wakalenga shoonse kwiinda muli nguwe akwaamba ayi akanoosheendelesha.

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

2 Timoti 2:12

Na tutolelele kushoma, tulaakweendelesha anguwe. Na twamukaka, alakwe ulaakutukaka.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Bene Ebulu 10:27

Sombi cacaala nkunoolindilabo koomboloshekwa kutoosa caboowa alimwi akunoolindila mulilo uloondesha weshi ukanyonyoole balwani bakwe Lesa!

Bene Ebulu 12:29

Mukwiinga Lesa wesu ncakwiila ngumulilo unyonyoola.

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

Bene Ebulu 4:9

Paceebo ceeco, mpokucili kookesha kwa bantu bakwe Lesa bweenka mbuli Lesa mbwaakookesha pabushiku bwasanu ashobilo.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 1:7

Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.

Ciyubululo 14:13

Lyalo ndakanyumfwa liswi kuswa kwiculu lyakwaamba ayi, “Ulembe ayi, Balicite coolwe abo beshi bakafwite mumulimo wa Mwaami kuswa sunu!” Mushimu Usalashi wakakumbula ayi, “Ncakwiila balicite coolwe! Balaakookesha kuswa kumilimo yabo iyumu mukwiinga micito yabo ilabakonkela.”

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 21:4

Ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa, mukwiinga shintu shikulukulu shoonse shashimingana.”

Ciyubululo 22:16

“Nebo neJesu, ndatuma munjelo wangu kwaamba ayi amulwiite shintu ishi mushoonde. Ndakashalwa mulunyungu lwakwe Defedi, alimwi ndime nyenyeenshi iyo imunika abuumbi iitwa ayi ntanda.”

Ciyubululo 22:6

Mpomunyaawo munjelo wakaŋambila ayi, “Maswi aya ngancinencine alimwi alyeelete kushomwa. Mwaami Lesa uyo upa Mushimu Usalashi kubalaluki, watuma munjelo wakwe ayi aboneshe basebenshi bakwe isho sheshi shikacitike onoono.”

Ciyubululo 22:9

Sombi lakwe wakaŋambila ayi, “Utaciti bobulya mukwiinga anebo ndi musebenshinyoko alimwi musebenshinyina bamakwanu balaluki pantu pomwi abaabo boonse bakonkela maswi ali mulibuku ili. Ulyeelete kulambila Lesa!”

Ciyubululo 6:11

Mpomunyaawo boonse bakapekwa cisani cituba comwi comwi, akulwiitwa ayi bookesheeko akulindililaako paniini kushikila mweelo weelete wa basebenshinyinaabo alimwi bashominyinaabo bakacaikwe kweelana ambobakacaikwa abalo.