2 Bene Tesalonika 1:5 - Baibo Busansulushi Bwa Libuku Ili

⁵ Ishi shoonse shitootondesha calushinisho kwaamba ayi Lesa uloombolosha cabululami. Aboobo citokwaamba ayi mulyeelete kwinjila muBweene bwakwe Lesa ubo mboomutoopengela.

2 Bene Tesalonika 1:5 ပူးပေါင်းရင်းမြစ်များ

Jobo 8:3

Sa Lesa uloombolosha cakunyengelela? Sa Shinkusu shoonse ulaalilwa kucita shiluleme?

Kulumbaisha 111:7

Milimo yakwe ilashomeka alimwi ililuleme, ayalo milasho yakwe yoonse ilashomeka.

Kulumbaisha 33:5

Mwaami Lesa ulisuni shintu shabululami shitacite kampenda. Lakwe ulabonesha lusuno lwakwe lutamaani pacishi coonse ca panshi.

Kulumbaisha 50:6

Liculu lyomwi alyomwi lilatondesha patuba kwaamba ayi, Lesa uliluleme. Lilatondesha alimwi ayi mwiine Lesa ngowoombolosha bantu bakwe.

Kulumbaisha 72:2

Lyalo akalele bantu banu cakutanyengelela, akweendelesha cabululami bantu banu balyatililwa.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Luka 20:35

Sombi abo beelete kubushikwa kuswa kubafu akwikala muciindi citoosa, teshi bakanokweebana.

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Milimo ya Batumwi 13:46

Sombi lakwe Paulo aBanabasi bakeendilishaawo kwaamba cakutaloonda ayi, “Twalinga kweelete kwaamba ayi tutaangune kushimikila ndimwe maswi akwe Lesa. Sombi mukwiinga mwaakaka nobeene akubonesha kwaamba ayi tamweelete buumi butamaani, tutoomushiya tuye kubaswamashi bakunsengwe.

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Filipi 1:28

Mutaloondi balwani banu, sombi amuyume cakubula boowa. Aboobo cilaakutondesha kwaamba ayi balaakunyonyoolwa, sombi mwebo Lesa ulaakumupulusha.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

1 Bene Tesalonika 2:14

Ceebo nobamakwesu bweenka bwakapenga shoonde shakwe Lesa mucishi ca Judeya, mbweeke ubo amwebo mbomwakapenga. Bene mishaanu bakamupensha bweenka mbobakapenshekwa kubaJudanyinaabo.

2 Bene Tesalonika 1:11

Paceebo ceeco tulamupailila lyoonse kwaamba ayi Lesa amulengeshe kuba bantu beelete kwikala buumi ubo mbwaakamwiitila. Tulapaila ayi kwiinda munkusu shakwe amulengeshe kukonsha kucita shintu shibotu nshemuyanda kucita akumanisha milimo itondesha lushomo lwanu.

2 Timoti 2:12

Na tutolelele kushoma, tulaakweendelesha anguwe. Na twamukaka, alakwe ulaakutukaka.

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 16:7

Kuswawaawo ndakanyumfwa liswi kuswa kucipaililo lyakwaamba ayi, “NoBaami baLesa Beshinkusu shoonse! Ncakwiila koombolosha kwanu nkwalushinisho alimwi kuliluleme!”

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

Ciyubululo 3:4

Sombi nkobali bamwi baniini muSadisi abo batakwe kubisha shakufwala shabo. Balaakweenda anebo kabafwete shakufwala shituba tuu mukwiinga mbobeelete.