2 Bene Tesalonika 1:3 - Baibo Busansulushi Bwa Libuku Ili

³ Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

2 Bene Tesalonika 1:3 ပူးပေါင်းရင်းမြစ်များ

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Kulumbaisha 92:13

Bali anga nshisamu shishangitwe muŊanda ya Mwaami Lesa. Ncakwiila shilakula kabotu mulubansa lwa Ŋanda yakwe Lesa wesu.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Luka 15:32

Sombi tulyeelete kusekelela akusangalala mukwiinga mwanike wako wakalinga kufwite, ono waba muumi, wakalinga kusowekete, ono wacanika.’ ”

Luka 17:5

Lyalo batumwi bakaambila Mwaami Jesu ayi, “Amukomenye lushomo lwesu.”

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Bene Loma 1:8

Ntootaanguna kulumba Lesa kwiinda muli Jesu Klistu ceebo ca ndimwe noonse mukwiinga bantu mucishi coonse batoonyumfwa kwaamba ayi mulashoma muli Jesu Klistu.

1 Bene Kolinto 1:4

Lyoonse ndalumba Lesa ceebo ca ndimwe mukwiinga wa luse Lesa ndwaakamutondesha muli Klistu Jesu.

2 Bene Kolinto 10:15

Aboobo tatulilumbaishi pamilimo yakacita bamwi kusotoka manyinsa Lesa ngwaakatupa. Sombi tulayanda ayi lushomo lwanu lukomene alimwi ayi tukakonshe kucita milimo imwi iindaawo pakati kanu, kweela mumanyinsa Lesa ngwaakatupa.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

Bene Filipi 1:7

Ndamuyeeya lyoonse mukwiinga ndimusuni alimwi cililuleme kuli ndime kunyumfwa boobo. Ndyeembete muntolongo nabi ciindi cakwiimikanina akuyumya Makani Abotu mumyoyo ya bantu boonse, noonse mulaba andime muluse lwakwe Lesa.

Bene Filipi 1:9

Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,

1 Bene Tesalonika 3:12

Mwaami Jesu aakomeneshe kusunana kwanu alusuno lwanu kubantu boonse kwaamba ayi shishike palusuno ndotucite pali ndimwe.

1 Bene Tesalonika 3:6

Ono Timoti waboola kuli ndiswe akutuletela makani asangalasha abuumbi palushomo alusuno lwanu. Watulwiita kwaamba ayi kuyeeya ndiswe kulamulengesha kusangalala alimwi ayi mulisuni kwaamba ayi tukabonaneewo, bweenka aswebo mbotutookumbwa kubonanaawo amwebo.

1 Bene Tesalonika 3:9

Bulya ceebo canu tulakonsha kulumba Lesa. Twamulumba ceebo cakusangalala nkotucite pameenso akwe ceebo canu.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

2 Bene Tesalonika 2:1

Ono nobamakwesu, pamakani akwisa kwa Mwaami wesu Jesu Klistu ashakubunganishikwa kwaamba ayi tumutambule, ndamusenga ayi

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

2 Pita 1:13

Ndayeeya ayi ncibotu abuumbi kunoomwiibalusha makani aya kancili muumi.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.