2 Bene Kolinto 9:6 - Baibo Busansulushi Bwa Libuku Ili

⁶ Amwiibaluke kwaamba ayi uyo ushanga shiniini, ulatebula shiniini, sombi uyo ushanga shiinji, ulatebula shiinji.

2 Bene Kolinto 9:6 ပူးပေါင်းရင်းမြစ်များ

Tushimpi 11:18

Bamucita shibi taaku mpindu njebapekwaawo, sombi bacita shiluleme balapekwa shilambu.

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Tushimpi 22:9

Muntu shikwaaba ulaakupekwa coolwe ceebo ulaabana shakulya shakwe abakandu.

Shikushimikila 11:1

Bika maali mumakwebo ako aba kushishi shimwi. Paakwiinda nshiku shiinji ulaakucana mpindu.

Shikushimikila 11:6

Koshanga mbuto yako macuunsa, utanookalabo ciindi ca macolesha. Webo tooshi mbuto yeshi ikaswitilile. Inga yaba ya macuunsa nabi ya macolesha. Cimwi ciindi mbuto shoonse shobilo inga shaba kabotu.

Luka 6:38

Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”

1 Bene Kolinto 1:12

Ncentokwaamba nceeci, uli woonse pakati kanu ulaamba shaakwe. Umwi ulaamba ayi, “Nebo ndi wakwe Paulo,” umwi ayi, “Nebo ndi wakwe Apolosi,” aumwi ayi, “Ndi wakwe Pita,” alakwe umwi ayi, “Ndi wakwe Klistu.”

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

1 Bene Kolinto 7:29

Ncentoomulwiita, nobamakwesu, ncakwaamba ayi ciindi camana. Bulya beebete balyeelete kwikala anga tabeebeteewo.

2 Bene Kolinto 9:10

Lesa ngoopa mbuto muntu kwaamba ayi ashange alimwi ulapa acakulya. Aboobo ulaakumupa mbuto njemukonsha kushanga akukomenesha shishango shanu. Lyalo ceebo ca nkumbu shanu ulaakulengesha ayi mukatebule shiinji.

2 Bene Kolinto 9:5

Aboobo ndakayeeya ayi cilyeelete kusengesha bashominyineesu kwaamba ayi mbatanjishe kooko mukubamba shipo nshemwakashomesha. Lyalo ndyeshi cikaboneke ayi mulapa ceebo mulisuni, kuteshi kukakatishikwa.

Bene Galatiya 3:17

Nceentokwaamba nceeci. Lesa wakapangana aAbulaamu akumushomesha ayi teshi akacilubeeko cipangano ico. Aboobo, Milawo yakapekwa ndipakeenda myaaka ili myaanda yone amakumi otatwe taikoonshi kucaya cipangano ico alimwi aceeco ncaakashomesha Lesa.

Bene Galatiya 5:16

Nceentokwaamba nceeci, amuleke Mushimu Usalashi umutanjilile. Lyalo ndyeshi mubule kukonkela buumi bwa buntu ubo busuni kubisha.

Bene Efeso 4:17

Ono muliina lya Mwaami, ntoomulwiita amoyo woonse ayi tamweelete kunookala anga mbakunsengwe mukwiinga nshebayeeya taaku mboshibete

Bene Kolose 2:4

Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.