2 Bene Kolinto 9:2 - Baibo Busansulushi Bwa Libuku Ili

² Ceebo ndishi kwaamba ayi mulayandishisha kucafwa alimwi ndakamulumbaisha abuumbi kubene Makedoniya. Ndabaambila kwaamba ayi, “Bashominyineesu muAkeya balinga kulibambite kucafwa kuswabo mwakali.” Aboobo kuyandishisha kwanu kwalengesha ayi bantu baanji bayande kucita mulimo uyu.

2 Bene Kolinto 9:2 ပူးပေါင်းရင်းမြစ်များ

Milimo ya Batumwi 18:12

Ono Galiyo ndyaakaba mweendeleshi wa Akeya, baJuda bakabungana akucata Paulo bamutola kunkuta.

Milimo ya Batumwi 24:17

“Ceebo peenda myaaka iinji ndindakaswa kuJelusalemu, ndakayaako mukutola shipo sha maali kubaJudama bamwi bakandu, alimwi akupa shipo shimwi kuli Lesa.

Bene Loma 15:26

Ceebo bashomi ba mushoonde sha muMakedoniya alimwi aAkeya, bakakondwa kupa shipo shakucafwa bakandu bali mulikoto lya bantu bakwe Lesa muJelusalemu.

1 Bene Kolinto 16:15

Mulishi kabotu kwaamba ayi Sitefanasi abamuŋanda yakwe, mbobataanshi kushoma muli Jesu mucishi ca Akeya alimwi bakalibenga beene kusebensela bashominyinaabo. Ono ntoomusenga, nobamakwesu, ayi

2 Bene Kolinto 1:1

Ndime Paulo, mutumwi wakwe Klistu Jesu kwiinda mukuyanda kwakwe Lesa. Ndi pantu pomwi amushominyineesu Timoti. Ntoolembela ndimwe nocoonde cakwe Lesa cili muKolinto abashomi boonse bali mucishi ca Akeya.

2 Bene Kolinto 7:14

Ndakamutondesha mboonkondetwe pali ndimwe alimwi amwebo tamukwe kunensha nsoni. Tatukwe kumubecaawo kale alimwi mbweeke ubo kumulumbaisha nkondakacita kuli Taitasi kwalitondesha ayi nkwalushinisho.

2 Bene Kolinto 7:4

Ndicite lushomo lunene abuumbi muli ndimwe alimwi ndikondetwe abuumbi ceebo ca ndimwe. Mapensho oonse ngotweendaamo taakwe kuntyongwesha, sombi lyoonse ndeendabo akusangalala.

2 Bene Kolinto 8:10

Ono makani ngakwaamba ayi ncibotu kumanisha ico ncemwakatalika mwakali. Tamukwe kutaangunabo mukucicita, sombi amukuciyandishisha.

2 Bene Kolinto 8:11

Anu amutolelele, mucimanishe bweenka mbomwakalinga kusunishi kucicita pakutalika. Amucite boobo ashintu nshemucite.

2 Bene Kolinto 8:19

Kuteshibo boobo, sombi wasalwa ashoonde akutumwa kwaamba ayi tweendaakwe mumulimo wa luse ngotucite. Shoonse ishi tutooshicita mukupa bulemu Mwaami Jesu akutondesha kwaamba ayi tulisunishi kucafwa bashominyineesu bakandu.

2 Bene Kolinto 8:24

Amutondeshe basankwa abo ayi mulibabasuni. Shoonde shoonse shaakunyumfwa cikani ico, shilaakushinisha kwaamba ayi kumulumbaisha kwesu nkwalushinisho.

2 Bene Kolinto 8:8

Nshintokwaamba ayi uyu ngumulawo, sombi mukwaamba shabamwi mbobasunishi kucafwa, ndisuni kubona lusuno lwanu na ndwancinencine.

1 Bene Tesalonika 1:7

Aboobo bwikaalo bwanu bwakaba cikoshanyo ca bwikaalo bubotu kubashomi boonse ba kuMakedoniya aAkeya.

Bene Ebulu 10:24

Katuyeeya bamakwabesu kwaamba ayi tunoocafwana kubonesha lusuno lwancinencine alimwi akucita shibotu.