2 Bene Kolinto 8:4 - Baibo Busansulushi Bwa Libuku Ili

⁴ Bakatusenga cakuyandishisha ayi tubasuminishe abalo kucafwa bashomi ba kuJudeya.

2 Bene Kolinto 8:4 ပူးပေါင်းရင်းမြစ်များ

Mateyo 10:42

Uyo woonse upa nabi maanshi kuli womwi muniini wa baabo bankonkela, ayi mukwiinga ulankonkela, ncakwiila uyo teshi akabule cilambu.”

Mateyo 12:50

Mukwiinga uyo woonse ucita buyanda baTa bali kwiculu ngunandumi yangu, ngunankashi yangu alimwi mbobama.”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Maako 14:7

Mukwiinga bakandu muli abo nshiku shoonse alimwi ciindi coonse na kamusuni kubacafwa, inga mwabacafwa. Sombi nebo teshi nooli anu lyoonse.

Milimo ya Batumwi 11:29

Ono bashomi bakayeeya kwaamba ayi womwi awomwi atume lucafwo kubashominyinaabo bakalinga kwikala kuJudeya kweelana ambwaakalinga kukonsha.

Milimo ya Batumwi 16:15

Ndyaakamana kubombekwa abantu abo mbaakalinga kwikalaabo muŋanda yakwe, wakatwiita soonse ayi, “Mbuli mbomwasumina ayi ndashooma amoyo wangu woonse muMwaami Jesu katiya kuŋanda yangu.” Lyalo wakatukombelela ayi tuye.

Milimo ya Batumwi 24:17

“Ceebo peenda myaaka iinji ndindakaswa kuJelusalemu, ndakayaako mukutola shipo sha maali kubaJudama bamwi bakandu, alimwi akupa shipo shimwi kuli Lesa.

Bene Loma 15:31

Amumpailile kwaamba ayi Lesa akamfuune kubantu batashomi ba kuJudeya. Mumpailile kwaamba ayi bashomi ba muJelusalemu bakatambule cakukondwa shipo ishi nsheentoobatolela.

1 Bene Kolinto 16:1

Ono pamakani a shipo shakucafwa bashomi bamwi, amucite bweenka mbondakalwiita shoonde sha kuGalatiya.

1 Bene Kolinto 16:15

Mulishi kabotu kwaamba ayi Sitefanasi abamuŋanda yakwe, mbobataanshi kushoma muli Jesu mucishi ca Akeya alimwi bakalibenga beene kusebensela bashominyinaabo. Ono ntoomusenga, nobamakwesu, ayi

2 Bene Kolinto 9:1

Ono tacicite ncito nabi ndabula kumulembela shamulimo wa lucafwo kubashominyineesu muJudeya.

Bene Galatiya 2:10

Ncebakasengabo ncakwaamba ayi tutakacileeki kucafwa bakandu mulikoto lyabo. Anebo nceceeco ncendakalinga kusunishi bunene kucita.

Bene Galatiya 6:10

Paceebo ceeco, bulya mbotucite ciindi ceelete, atucite shibotu kubantu boonse, bunene bunene abo bali mulikoto lya bashomi.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.