2 Bene Kolinto 8:19 - Baibo Busansulushi Bwa Libuku Ili

¹⁹ Kuteshibo boobo, sombi wasalwa ashoonde akutumwa kwaamba ayi tweendaakwe mumulimo wa luse ngotucite. Shoonse ishi tutooshicita mukupa bulemu Mwaami Jesu akutondesha kwaamba ayi tulisunishi kucafwa bashominyineesu bakandu.

2 Bene Kolinto 8:19 ပူးပေါင်းရင်းမြစ်များ

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

Milimo ya Batumwi 15:22

Mpomunyaawo batumwi abamatanjilili pantu pomwi acoonde coonse, bakayeeya ayi basale basankwa bamwi mulikoto lyabo ayi babatume kuAntyoki pantu pomwi aPaulo aBanabasi. Lyalo bakasala Judasi, uyo wakalinga kwiitwa ayi Basabasi alimwi aSailasi, basankwa bobilo abo bakalinga kulemekwa kubashominyinaabo.

Milimo ya Batumwi 15:25

Lyalo twakakumana pantu pomwi akusuminishanya kwaamba ayi tusale bantu bamwi batumwe kuli ndimwe. Balaakwisa aBanabasi alimwi aPaulo abo mbotusuni abuumbi.

Milimo ya Batumwi 19:22

Lyalo wakatuma Timoti aElasitasi kuMakedoniya, basankwa bobilo bakalinga kumucafwa milimo. Lakwe wakalinga kucishiite muEsha.

Milimo ya Batumwi 19:29

Mpomunyaawo shimfulunganya shakakumanabo ndabala inene yoonse. Lyalo bantu bakacata Gayasi aAlisitakasi, basankwa ba kuMakedoniya bakalinga kweenda aPaulo akubakwelaanya kubatola kumusena kucitilwa shisekano.

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Bene Loma 5:3

Teshi ceeco ceenka, tulasangalala amumapensho ceebo tulishi kwaamba ayi mapensho ngaaisha muntu kutaboola pesule.

2 Bene Kolinto 4:15

Muyeeyo wa shoonse ishi nkwaamba ayi mwebo mutambule shoolwe alimwi bweenka luse lwakwe Lesa mbolutooya cishika kubantu baanji, amipailo yakulumba itoofula mukulemeka Lesa.

2 Bene Kolinto 8:11

Anu amutolelele, mucimanishe bweenka mbomwakalinga kusunishi kucicita pakutalika. Amucite boobo ashintu nshemucite.

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

2 Bene Kolinto 8:20

Tatusuni kulengesha bantu kutalika kutongooka panshila njetutokweendelesheshamo shipo shakapekwa amyoyo yoonse sha mushobo wooyu.

2 Bene Kolinto 9:2

Ceebo ndishi kwaamba ayi mulayandishisha kucafwa alimwi ndakamulumbaisha abuumbi kubene Makedoniya. Ndabaambila kwaamba ayi, “Bashominyineesu muAkeya balinga kulibambite kucafwa kuswabo mwakali.” Aboobo kuyandishisha kwanu kwalengesha ayi bantu baanji bayande kucita mulimo uyu.

2 Bene Kolinto 9:8

Lesa ulakonsha kumupa shoolwe shiinji abuumbi ayi lyoonse munoocite shintu shakulicafwa nobeene ashintu shiinji shakucitisha milimo yoonse ibotu.