2 Bene Kolinto 8:10 - Baibo Busansulushi Bwa Libuku Ili

¹⁰ Ono makani ngakwaamba ayi ncibotu kumanisha ico ncemwakatalika mwakali. Tamukwe kutaangunabo mukucicita, sombi amukuciyandishisha.

2 Bene Kolinto 8:10 ပူးပေါင်းရင်းမြစ်များ

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Mateyo 10:42

Uyo woonse upa nabi maanshi kuli womwi muniini wa baabo bankonkela, ayi mukwiinga ulankonkela, ncakwiila uyo teshi akabule cilambu.”

Joni 11:50

Sa mwebo tamwishi kwaamba ayi ncibotu muntu womwi kufwita bantu baanji, kwiinda kwaamba ayi mushobo woonse ulobe?”

Joni 16:7

Ntoomulwiita calushinisho ayi ncibotu abuumbi kuli ndimwe kwaamba ayi nje. Mukwiinga na mbule kuya Mucafwi teshi akese kuli ndimwe. Sombi na nje, ndaakumutuma kuli ndimwe.

Joni 18:14

Kayafasi ngowakaambila beendeleshinyina ba munkuta ayi ncibotu muntu womwi kufwita bantu boonse.

1 Bene Kolinto 10:23

Bamwi balaamba ayi, “Shintu shoonse shilasuminishikwa.” Sombi teshi kwaamba ayi shintu shoonse nshibotu. “Shintu shoonse shilasuminishikwa,” sombi teshi shoonse shicafwa.

1 Bene Kolinto 16:2

PaSondo lyoonse, womwi awomwi pakati kanu ulyeelete kupatula maali a lucafwo ulo kumaali akwe amwi oonse kweelana ambwaacana, kwaamba ayi ndaakwisa kutakabi kusowa ciindi mukubunganya shipo.

1 Bene Kolinto 6:12

Umwi muntu inga waamba ayi, “Nebo ndisuminishitwe kucita shili shoonse.” Ono teshi kwaamba ayi shintu shoonse nshibotu. Nebo inga ndaamba ayi, “Shintu shoonse shilisuminishitwe kuli ndime,” sombi inga nshileeki nabi comwi kungalula musha.

1 Bene Kolinto 7:25

Ono kweelana amwiipusho ngomwakeepusha pabanakashi batana kweebwa, nshiciteewo mulawo uswa kuMwaami Jesu. Sombi ntoopabo muyeeyo wangu kweelana mboondi muntu weelete kushomekwa ceebo ca nkumbu sha Mwaami.

1 Bene Kolinto 7:40

Sombi inga wekala kaasangalete abuumbi na wabula kweebwa. Uyu ngumuyeeyo wangu alimwi ndishi kwaamba ayi anebo ndicite Mushimu wakwe Lesa.

2 Bene Kolinto 12:1

Ndyeelete kulilumbaisha nakubi kwaamba ayi taaku mpindu. Ono bulya ntokwaamba shasheesho nshindakabona anga mushiloto asheesho shakanjubulwita Mwaami.

2 Bene Kolinto 8:6

Nceceeco ncetwakalwiitilisha Taitasi ayi ulyeelete kumanishisha mulimo wa luse ngwaakatalika kale pakati kanu.

2 Bene Kolinto 8:8

Nshintokwaamba ayi uyu ngumulawo, sombi mukwaamba shabamwi mbobasunishi kucafwa, ndisuni kubona lusuno lwanu na ndwancinencine.

2 Bene Kolinto 9:2

Ceebo ndishi kwaamba ayi mulayandishisha kucafwa alimwi ndakamulumbaisha abuumbi kubene Makedoniya. Ndabaambila kwaamba ayi, “Bashominyineesu muAkeya balinga kulibambite kucafwa kuswabo mwakali.” Aboobo kuyandishisha kwanu kwalengesha ayi bantu baanji bayande kucita mulimo uyu.

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.