2 Bene Kolinto 8:1 - Baibo Busansulushi Bwa Libuku Ili

¹ Ono nobamakwesu, tulisuni kwaamba ayi mwishibishishe shaluse Lesa ndwakatondesha shoonde sha muMakedoniya.

2 Bene Kolinto 8:1 ပူးပေါင်းရင်းမြစ်များ

Mateyo 25:22

Alakwe uyo wakapekwa shuulu shobilo wakashika akwaamba ayi, ‘Nkambo, nebo mwakampa shuulu shobilo, sombi amubone, ndakacaninawo shuulu shobilo ashimwi.’

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 16:9

Mashiku Paulo wakabona muntu anga muciloto kaaimfwi akumukombelela ayi, “Kosa kuMakedoniya utucaafwe.”

Milimo ya Batumwi 24:17

“Ceebo peenda myaaka iinji ndindakaswa kuJelusalemu, ndakayaako mukutola shipo sha maali kubaJudama bamwi bakandu, alimwi akupa shipo shimwi kuli Lesa.

Bene Loma 15:26

Ceebo bashomi ba mushoonde sha muMakedoniya alimwi aAkeya, bakakondwa kupa shipo shakucafwa bakandu bali mulikoto lya bantu bakwe Lesa muJelusalemu.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

2 Bene Kolinto 11:9

Paciindi ndindakalinga amwebo, ndakalinga kuyanda lucafwo lwa maali, sombi nshikwe kupensha ndimwe. Bashominyineesu bakaswa kuMakedoniya bakampa shoonse nshendakalinga kuyanda. Nshikwe kupensha ndimwe palucafwo alimwi teshi mupeenshe bulya, nabi bumwi bushiku.

2 Bene Kolinto 9:12

Ceebo mulimo uyo wa luse taweelibo mukucafwa bashomi mushintu nshebatacite, sombi cibolaawo bantu baanji balalumba Lesa abuumbi.

2 Bene Kolinto 9:2

Ceebo ndishi kwaamba ayi mulayandishisha kucafwa alimwi ndakamulumbaisha abuumbi kubene Makedoniya. Ndabaambila kwaamba ayi, “Bashominyineesu muAkeya balinga kulibambite kucafwa kuswabo mwakali.” Aboobo kuyandishisha kwanu kwalengesha ayi bantu baanji bayande kucita mulimo uyu.

2 Bene Kolinto 9:4

Ceebo na ndashika uko abashominyineesu bamwi bene Makedoniya, akucana kwaamba ayi tamukwe kulibambila shalucafwo, sa te inga twafwa nsoni abuumbi ceebo cakumushoma bunene? Ono mwebo teshi shakwaamba.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.

1 Bene Tesalonika 4:10

Alimwi ncakwiila mulisunene abuumbi abashominyinaanu boonse bene Makedoniya. Ono twamusenga nobamakwesu kwaamba ayi mwiindilisheewo apo.