2 Bene Kolinto 7:13 - Baibo Busansulushi Bwa Libuku Ili

¹³ Nceceeco ncetwakayuminishikwa abuumbi. Kuteshibo boobo, sombi twakasangalala ceebo cakusangalala kwakwe Taitasi munshila mwebo noonse njimwakamutambwitaamo.

2 Bene Kolinto 7:13 ပူးပေါင်းရင်းမြစ်များ

Bene Loma 12:15

Amusangalale abaabo basangalete alimwi mulile abaabo batoolila.

Bene Loma 15:32

Kuswawaawo na nkuyanda kwakwe Lesa, kufwakasha kwangu kuli ndimwe kulaakunkondelesha alimwi ndaakookesha kabotu.

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

1 Bene Kolinto 16:18

Bakansangalasha bweenka mbobakamusangalasha mwebo. Bantu ba mushobo uyu amubalemeke.

2 Bene Kolinto 2:13

Nakubi boobo moyo wangu tewakalinga kushiite kabotu ceebo mushomima Taitasi nshikwe kumucanaako uko. Aboobo ndakalasha bwaangu akuya kuMakedoniya.

2 Bene Kolinto 2:3

Ndakamulembela mbuli mbondakacita, kwaamba ayi ndaakwisa, ntakoongumanishikwi abantu abo beelete kunsangalasha. Ceebo ndashoma kwaamba ayi ndinsangalala amwebo mulasangalala.

2 Bene Kolinto 7:14

Ndakamutondesha mboonkondetwe pali ndimwe alimwi amwebo tamukwe kunensha nsoni. Tatukwe kumubecaawo kale alimwi mbweeke ubo kumulumbaisha nkondakacita kuli Taitasi kwalitondesha ayi nkwalushinisho.

2 Bene Kolinto 7:15

Lusuno lwakwe pali ndimwe lutooya cikomenenaako ndyaibaluka mbuli noonse mbomwakalinga kulibambite kucita nshaakalinga kumwaambila alimwi ambomwakamutambula cakuliceesha abulemu.

2 Bene Kolinto 7:6

Sombi Lesa, uyumyayumya batyongola, wakatuyumyayumya ciindi ndyaakashika Taitasi.

Bene Filipi 2:28

Ntoolangilabo ciindi ndyeshi nkamutume kuli ndimwe, kwaamba ayi amwebo mukasangalale alimwi pakumubona. Lyalo anebo kulisukama kwangu ndyeshi kukaceye.

2 Timoti 1:16

Nkumbu shakwe Lesa shibe pabamuŋanda yakwe Onesifolasi, ceebo lakwe lyoonse wakalinga kunkusha buumba. Taakalinga kunyumfwa nsoni kwaamba ayi ndalinga muntolongo,

Filimoni 1:20

Paceebo ceeco mukwaabo, ndakusenga ayi uncaafwe pamakani aya ceebo ca Mwaami. Nsangalashe kweelana ambooli mukwesu muli Klistu.

Filimoni 1:7

Mukwaabo, lusuno lwako lwansangalasha alimwi akunjuminisha ceebo wasangalasha myoyo ya bashomi boonse.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.