2 Bene Kolinto 7:10 - Baibo Busansulushi Bwa Libuku Ili

¹⁰ Mukwiinga buumba busangalasha Lesa bulalengesha moyo kusandukila kuli nguwe akuleta lupulusho. Ncakwiila tacipiwo nsoni! Sombi buumba buswa kubuumi bwa buntu bulaleta lufu.

2 Bene Kolinto 7:10 ပူးပေါင်းရင်းမြစ်များ

Matalikilo 30:1

Sombi Lakelo taakwe kushalila Jakobo mwaana, paceebo ceeco wakafwita munyono mukwabo akwaambila Jakobo ayi, “Mpe baana, kwabula boobo ntoofwa.”

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

2 Samwelo 13:4

Mpeeke wakeepusha Amunoni ayi, “Anu webo, omwanaamwaami nalyo, ncooungumanina bwaca abwaca nciinshi?” Amunoni wakakumbula ayi, “Nebo ndafwabo pali Tama nankashi yakwe Abusalomu mukwesu.”

2 Samwelo 17:23

Ono Ayitofelo ndyaakabona ayi muyeeyo wakwe wakakwa, wakabika cakwikalaawo pambongolo yakwe akuya kuŋanda yakwe mundabala ine mishaabo. Mpeeke ndyaakamana kubamba shakalinga kweelete muŋanda yakwe, wakalyaangilila. Aboobo wakafwa akubikwa mucuumbwe ca baishi.

1 Baami 21:4

Lyalo Aabu wakaya kumishaabo kaalisukeme alimwi kaaungumene abuumbi. Wakakalala abuumbi pamakani ayo Naboti mwine Jesiliilu ngaakaamba kuli nguwe. Wakashika woona pabulo bwakwe, walanga kulubumbu akukaka kulya.

Kulumbaisha 38:18

Ndalyaambilila shibiibi shangu shoonse, ncakwiila shibiibi shangu shanensha nsoni.

Tushimpi 15:13

Na muntu ulisangalete ulasekaseka, sombi na moyo wakwe waciswa, uloongumana.

Tushimpi 15:15

Nshiiku sha mukandu shoonsebo nshibiibi, sombi muntu ushiite kabotu ulasangalala lyoonse.

Tushimpi 17:22

Moyo usangalete ngu musamu ubotu kumubili, sombi kuungumana kulaletela kucisa mumafuwa.

Tushimpi 18:14

Moyo wa muntu ulamucafwa mukuciswa, sombi wa muntu ufwite taaku nceenga wacafwa.

Shikushimikila 7:3

Buumba mbubotu kwiinda kuseka mukwiinga nabi ciwa kacuungumene moyo inga kaukondetwe.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Esekelo 7:16

Boonse abo beshi bakapuluke akuloboka balaakuya kutulundu uko nkweshi bakanoolila buumba anga nimpolobe bamushinyika. Muntu womwi awomwi ulaakunoolila ceebo ca shibiibi shakwe.

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Jona 3:8

Sombi muntu uli woonse alifweke masaka alimwi akufweka shifubwa shoonse. Woonse muntu ulyeelete kufwambaana kupaila kuli Lesa akuleka bubi bwakwe, alimwi amibo itabete kabotu.

Jona 4:9

Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

Mateyo 26:75

Mpeeke wakeebaluka maswi akamulwiita Jesu ayi, “Kombwe kaatana kulila, webo Pita ulaakunkaka mankanda otatwe.” Lyalo wakaswita pansengwe, waya walila abuumbi.

Luka 15:10

Ntoomulwiita ayi akwiculu bweenka ubo, baanjelo bakwe Lesa balasangalala abuumbi pamucita shibi womwi uyo usanduka kuswa kushibiibi.”

Luka 18:13

“Sombi musonkeshi uyo wakanyamuka alakwe weemikana palaale. Taakwe kulangaawo akwiculu pakupaila, sombi wakalikumbata akwaamba ayi, ‘NobaLesa, amunyumfwileko nkumbu nebo nemucita shibi!’

Milimo ya Batumwi 11:18

Ono ndibakanyumfwa makani aya, bakacileka kumutongooka. Mpeeke bakatalika kulumbaisha Lesa, kabaamba ayi, “Anu Lesa wapa abaswamashi bakunsengwe coolwe cakusanduka kuswa kushibiibi shabo kwaamba ayi babe abuumi!”

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

2 Bene Kolinto 12:21

Ntooloonda kwaamba ayi ndaakwisaako alimwi, Lesa inga wanengesha kunyumfwa nsoni pameenso anu mukwiinga ndaakutalika kulila ceebo ca baabo boonse bakabisha kale kale, batana kusanduka kuswa kushibiibi shabo sha lunkumbwa, cikololo ashimwi shoonse shakutalilemeka.

2 Bene Kolinto 7:9

Sombi bulya ndakondwa kuteshi kwaamba ayi ceebo mwakaba abuumba, sombi ceebo buumba bwanu bwakalengesha ayi musanduke kuswa kushibiibi shanu. Buumba ubo nguLesa wakabulengesha. Anu aboobo taaku cibiibi ncitwakamucita.

Bene Ebulu 12:17

Kweelana ambomwishi pesule, Esau wakalinga kusuni ayi baishi bamupe coolwe. Sombi cakaala mukwiinga kwakabula nshila yakwaamba ayi abosheshemo ceeco ncaakacita, nakubi kwaamba ayi wakalinga kuciyandoola cakulila aminsonshi.

1 Samwelo 30:6

Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.