2 Bene Kolinto 6:7 - Baibo Busansulushi Bwa Libuku Ili

⁷ mumaswi alushinisho alimwi amunkusu shakwe Lesa. Tulasebensesha shakulwanisha sha bululami mumaansa oonse obilo lyalulyo alyacipiko.

2 Bene Kolinto 6:7 ပူးပေါင်းရင်းမြစ်များ

Kulumbaisha 119:43

Amunengeshe kukonsha kwaamba makani anu alushinisho, ceebo kulangila kwangu kuli mumilawo yanu.

Kulonga 14:22

Aboobo bene Isilaeli bakasubukabo payumu, maanshi akalinga kwiimfwibo kumbasu shoonse shobilo anga ndubumbu lwa ŋanda.

Tushimpi 3:16

Busongo inga bwakulengesha kuba abuumi bulaamfu, ncakwiila inga bwakulengesha kubila akuba abulemu.

Isaya 11:5

Bululami bulaakuba ngolaamba wakwe. Kushomeka ngolaamba wakwe wakufwala mubukome.

Isaya 59:17

Mpeeke wakafwala bululami anga ncakufwala ca pacaamba ca nkondo Kumutwi wakafwalaako lupulusho anga ncimpoompo. Kuyanda kuboosha cishole kubalwani bakwe akwalo wakakufwala akufwala moyo mpwampwa anga ncakufwala cakwe ca peculu.

Maako 16:20

Bashikwiiya bakaya cishimika Makani Abotu koonse koonse. Alakwe Mwaami wakabapa nkusu shakucita shaankamiko, kutondesha bantu ayi maswi akwe ngancinencine.]

Milimo ya Batumwi 11:21

Nkusu sha Mwaami Lesa shakalinga ambabo alimwi bantu baanji bakashoma akusandukila kuMwaami Jesu.

1 Bene Kolinto 1:24

Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa.

2 Bene Kolinto 13:4

Ceebo nabi wakapopwa pamucilingano mukulefuka kwa buntu, ngumuumi kwiinda munkusu shakwe Lesa. Tulilefukite muli nguwe, sombi munkusu shakwe Lesa tulaakuba boomi anguwe kwaamba ayi tukamucite bweelete.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 7:14

Ndakamutondesha mboonkondetwe pali ndimwe alimwi amwebo tamukwe kunensha nsoni. Tatukwe kumubecaawo kale alimwi mbweeke ubo kumulumbaisha nkondakacita kuli Taitasi kwalitondesha ayi nkwalushinisho.

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

Bene Efeso 3:20

Ono bulemu bube kuli Lesa, lakwe kwiinda munkusu shakwe shisebensa muli ndiswe, ulakonsha kucita shiinda pasheesho nsheenga twaseenga nabi kuyeeya.

Bene Efeso 4:21

Ndushinisho mwebo mwakanyumfwa shapali nguwe alimwi mukwiinga mulashoma muli nguwe, mwakeeishikwa shalushinisho isho shili muli Jesu.

Bene Kolose 1:5

Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

1 Bene Tesalonika 5:8

Ono swebo tuli bantu bacita shintu sha mumumuni alimwi tulyeelete kulitibuka. Tulyeelete kufwala lushomo alusuno ayi shibe anga ncakufwala ca ceela ca pacaamba, acalo ncimpoompo cesu cibe kulangila kwakwaamba ayi tulaakupuluka.

2 Timoti 2:15

Koelesha cankusu ayi ulyaabe kuli Lesa, mbuli musebenshi usuminishikwa ucita mulimo utamulenshi nsoni, uyo wiisha ciluleme maswi a lushinisho.

2 Timoti 4:7

Ndalwana nkondo ibotu akumanisha kucica lubilo alimwi ndasunga lushomo lwangu.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.