2 Bene Kolinto 6:5 - Baibo Busansulushi Bwa Libuku Ili

⁵ Mukuumwa, mukwaangwa, mumanyonyongano, mukusebensa cankusu, mukutoona tulo amunsala.

2 Bene Kolinto 6:5 ပူးပေါင်းရင်းမြစ်များ

1 Baami 22:27

Muye mukabalwiite bamubike muntolongo akunoomupa shinkwa amaanshi kushikila ndaakuboola kaancili muumi.”

2 Makani 16:10

Ici cakakalasha Asa abuumbi cakwaamba ayi mulaluki uyo wakamwaanga akumubika muntolongo. Ici cakalinga nceciindi Asa ndyaakatalika kupensha bantu bamwi calunkutwe.

Isaya 53:5

Sombi wakayaswa ceebo ca kusotoka milawo kwesu, wakalyatililwa ceebo ca shibiibi shesu. Lakwe wakalemenwa milandu yesu kwaamba ayi swebo tube muluumuno. Ceebo ca shilonda shakwe twakashilikwa.

Jelemiya 33:1

Kaancili muntolongo kulubansa ulo, maswi a Mwaami Lesa akesa kuli ndime alimwi.

Jelemiya 38:6

Aboobo bakambwesa akuya mukungwaala mumukalo wakwe Malukiya mwanaamwaami. Mukalo uyo wakalinga mulubansa lwa ŋanda ya bwaami. Bakasebensesha ntambo pakunkulukisha mumukalo uyo. Tewakalinga kucite maanshi, sombi mwakalingabo matipa ayo ngondakepilaamo.

Esekelo 3:17

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Mateyo 14:10

Mpeeke wakatuma shilumamba kuya mukutimbula Joni mutwi muntolongo.

Mateyo 14:3

Ceebo pesule Joni Mubombeki kaatana kufwa, Elodi wakatuma bashilumamba ayi baange Joni akumubika muntolongo. Wakacita shoonse ishi ceebo cakwe Elodyasi muka Filipo, mukwabo.

Mateyo 9:15

Jesu wakabakumbula ayi, “Sa babye shibwiinga inga balila shibwiinga kaacili abo? Sobwe! Sombi ciindi cilaakushika shibwiinga ndyeshi akakushikweewo pali mbabo. Paciindi ico ndyeshi bakalikashe kulya.

Milimo ya Batumwi 13:3

Ndibakamana kupaila akulikasha kulya, bakabika maansaabo pali mbabo akubatuma.

Milimo ya Batumwi 14:19

Lyalo kwakesa baJuda bamwi kuswa kuAntyoki mucishi ca Pisidya alimwi akuIkoniyamu. Bakayungoola bantu ayi banyumfwile mbabo akutalika kuuma Paulo mabwe. Kuswawaawo bakamukwelela pansengwe lya ndabala kabayeeya ayi wafwa.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

Milimo ya Batumwi 17:5

Sombi baJuda bamwi bakanyumfwa munyono akuyungoola likoto lya basankwa bataalala mbobakalinga kucana munshila. Lyalo baJuda alimwi abasankwa abo bakatalika shimfulunganya mundabala inene yoonse. Bakaya bapwaya cisasa ca ŋanda yakwe Jasoni, kabayeeya ayi mpashi momuli Paulo aSailasi kwaamba ayi babakuushe muŋanda akubatola kubantu.

Milimo ya Batumwi 20:31

Anu amucenjele. Kamwiingashila lyoonse ayi ndakapenshekwa abuumbi mashiku amalumwi alimwi nshikwe kucilekaawo kumwiisha noonse mulikoto lyanu kwamyaaka yotatwe.

Milimo ya Batumwi 23:10

Makoto a bantu obilo ayo akaambana cankusu cakwaamba ayi Mutanjilili munene wa bashilumamba wakaloonda ayi batoocaya Paulo. Lyalo wakaambila bashilumamba bakwe ayi baye bamukushe mubantu akumutola mulilinga lyabo.

Milimo ya Batumwi 23:35

wakaamba ayi, “Ntoonyumfwa mulandu wako na bese beshimulandunyoko.” Lyalo wakaambila bashilumamba ayi banoomulindilila mumaanda akayaka Elodi.

Milimo ya Batumwi 24:27

Ndipakeenda myaaka yobilo, Poshasi Fesitasi wakapyana Felekisi pabweendeleshi bwa cishi. Ono mukwiinga Felekisi wakalinga kusuni ayi baJuda bamusuune, wakashiya Paulo muntolongo.

Milimo ya Batumwi 26:10

Alimwi mbondakacita bweenkoobo muJelusalemu. Ndakapekwa nkusu kuswa kubamatanjilili ba bapailishi alimwi ndakaangisha bantu bakwe Lesa baanji. Ono ndibakalinga koomboloshekwa akupingulwa ayi bacaikwe, anebo ndakalinga kusuminisha.

Milimo ya Batumwi 26:29

Paulo wakakumbula ayi, “Nabi mumaswi aniini nabi aanji, ndapaila kuli Lesa ayi mwebo alimwi abamwi boonse batoonyumfwa maswi aya sunu, inga baba bweenka mboombete, sombi kutaamba ayi mwaangwe ncetani ishi amwebo!”

Milimo ya Batumwi 28:30

Ono kwamyaaka yobilo, Paulo wakalinga kwikala muŋanda njaakalinga kusonkela mwiine akutambula baabo boonse bakalinga kwisa mukumubona.

Milimo ya Batumwi 5:18

Lyalo bakacata batumwi akubabika muntolongo umo mobakalinga kubika bakaili boonse.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

1 Bene Kolinto 4:11

Abobulya tuloona nsala alimwi tuleendabo anyotwa. Tatufwali kabotu tuloomwa abuumbi, tuli beshikulongalonga.

1 Bene Kolinto 7:5

Tamweelete kukakilana, sombibo na mwasuminishanya kwiimikana kwaciindi ciniini kwaamba ayi mubebo aciindi cakupaila. Camanabo ciindi cakupaila mulyeelete kutalika kukumana alimwi kwaamba ayi Satana atamusunki ceebo cakwaalilwa kulicata.

2 Bene Kolinto 11:27

Lyoonse ndakalinga kuyuwaana, mankanda maanji nshindakalinga koona tulo. Liinji liinji ndakalinga kufwabo nsala anyotwa. Alimwi liinji ndakalinga kubula shakulya, kufwa mpewo mukubula ŋanda ashakufwala.

Bene Efeso 3:1

Paceebo ceeco, nebo nePaulo nekaili ceebo cakwe Klistu Jesu mukusebensela ndimwe nobaswamashi bakunsengwe, ndamupailila kuli Lesa.

Dutolonomi 25:3

Teelete kuumwa misako isotoka pamakumi one. Na yasotoka paapo, inga wasebaana pameenso a bantu.

Bene Filipi 1:13

Aboobo balishi boonse beshikulindilila ŋanda ya muleli wa kuLoma abamwibo boonse bali kokuno kwaamba ayi ndyaangitwe ceebo cakwe Klistu.

1 Bene Tesalonika 2:9

Nobamakwesu, muliingashite mbotwakasebensa cankusu? Twakalinga kusebensa malumwi amashiku kwaamba ayi tutamupenshi mushintu nshetwakalinga kuyanda kusebensesha, nditwakalinga kumushimikila Makani Abotu aswa kuli Lesa.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!

2 Timoti 4:5

Sombi webo lilame mushiindi sha mushobo uli woonse, koyuma mumakatasho, cita mulimo wakushimikila Makani Abotu akucita milimo yako yoonse kweelana amusebenshi wakwe Lesa.

Bene Ebulu 11:36

Bamwi alimwi bakawelulukwa akukwipwa, abalo bamwi bakaangwa ncetani akuwaalwa muntolongo.

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

Bene Ebulu 13:23

Ntoomwishibishaako ayi mukwabesu Timoti bakamukusha muntolongo. Na afwambaane kushika kuno, ndaakwisaakwe mukumubona.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’