2 Bene Kolinto 6:4 - Baibo Busansulushi Bwa Libuku Ili

⁴ Sombi mushintu shoonse tulalitondesha ayi tuli basebenshi bakwe Lesa, kwiinda mukutolelela kushoma mushiindi sha mapensho apusenepusene.

2 Bene Kolinto 6:4 ပူးပေါင်းရင်းမြစ်များ

Isaya 61:6

Mulaakunokwiitwa ayi bapailishi ba Mwaami Lesa, ncakwiila basebenshi bakwe Lesa wesu. Buboni bwa mishobo imwi ndimwe mweshi mukanoobulya alimwi mulaakunoosangalala kwaamba ayi buboni ubo mbwanu.

Jowelo 1:9

Shipo sha fulaulo asha cakunwa teshi shinoobonekawo muŊanda yakwe Lesa. Bapailishi boonse batoolila ncakwiila batoolila boonse basebensela pameenso a Mwaami Lesa.

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Luka 21:19

Kwiinda mukushoma cakutaboola pesule mulaakutambula buumi bwancinencine.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Milimo ya Batumwi 2:22

“Mwebo nobene Isilaelima, amukutikishe makani aya ngontoomulwiita! Ulya Jesu wa kuNasaleti wakalinga muntu uyo Lesa ngwaakatondesha ayi ngowooyo ngwaakasala akumutuma kuli ndimwe. Lesa wakabonesha cikani ici, kwiinda mushaankamiko ashitondesho sha nkusu sha kwiculu nshaakacita muli Jesu pakati kanu, kweelana ambuli mbomwishi.

Milimo ya Batumwi 20:34

Mwebo nobeene mulishi kwaamba ayi ndakasebensa amaansaangu aya akucana shoonse nebo ababyanji, nshetwakalinga kubula.

Milimo ya Batumwi 9:16

Aboobo, nebo nemwiine ndaakumubonesha shoonse nshaaelete kupenga ceebo ca ndime.”

Bene Loma 14:18

Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.

Bene Loma 16:10

Mwaanshe Apelesi uyo wabonesha cancinencine ayi ulakonkela Klistu. Ndaansha abamuŋanda yakwe Alisitobyulasi.

Bene Loma 3:5

Ono na kutalulama kwesu kulalengesha kubonekela patuba ayi Lesa ulacita shiluleme, inga twaamba buyani pacikani ici? Sa inga twaamba ayi Lesa taaluleme pakutoombolosha akutupa mulandu? (Apa ndaamba bweenka bwaamba bantu.)

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

1 Bene Kolinto 3:5

Anu Apolosi ngani? Alakwe Paulo ngani? Swebo tulibo basebenshi bakwe Lesa abo bakamulengesha ayi mushome. Womwi awomwi pakati kesu ulasebensa ncito iyo yakamupa Mwaami Lesa.

1 Bene Kolinto 4:1

Mwebo mulyeelete kutubona ayi tuli basebenshi bakwe Klistu abo bakapekwa kweendelesha mumakani abushishi akwe Lesa.

1 Bene Kolinto 9:11

Swebo twakamushangila shintu sha Mushimu, sa nciyumu kwaamba ayi mwebo mutupe shintu nshetutacite mubuumi bwesu?

2 Bene Kolinto 11:23

Sa mbasebenshi bakwe Klistu? Nebo ndeendaawo. Ndaamba anga ngumuntu ucinkukite. Nebo ndeendaawo kusebensa ankusu, mankanda akwaangwa, mankanda akukwipwa cakutasekana, amankanda akuboolela pakalindi.

2 Bene Kolinto 11:27

Lyoonse ndakalinga kuyuwaana, mankanda maanji nshindakalinga koona tulo. Liinji liinji ndakalinga kufwabo nsala anyotwa. Alimwi liinji ndakalinga kubula shakulya, kufwa mpewo mukubula ŋanda ashakufwala.

2 Bene Kolinto 11:9

Paciindi ndindakalinga amwebo, ndakalinga kuyanda lucafwo lwa maali, sombi nshikwe kupensha ndimwe. Bashominyineesu bakaswa kuMakedoniya bakampa shoonse nshendakalinga kuyanda. Nshikwe kupensha ndimwe palucafwo alimwi teshi mupeenshe bulya, nabi bumwi bushiku.

2 Bene Kolinto 12:10

Aboobo ceebo cakwe Klistu ndikondetwe kulefuka, kutukanwa, kupenga, kupenshekwa alimwi amakatasho. Mukwiinga, muciindi ndyeendefukite, lyalo ndyeenjuma.

2 Bene Kolinto 12:12

Shaankamiko ashitondesho sha nkusu sha kwiculu, isho shitondesha butumwi bwangu bwancinencine shakacitwa pakati kanu cakukalika moyo.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

2 Bene Kolinto 4:2

Twakaleka shoonse sha bushishi shilensha nsoni. Tatuciti milimo mububeshi nabi kubika bubeshi mumaswi akwe Lesa. Sombi pameenso akwe Lesa tulaamba shalushinisho, akweelesha kulengesha bantu boonse ayi batutambule mumyoyo yabo.

2 Bene Kolinto 4:8

Tulapenshekwa munshila shiinji, sombi tatupwaiki. Cimwi ciindi tulatonsha, nakubi boobo tatutyongoli.

2 Bene Kolinto 7:11

Amubone buumba bwanu busangalasha Lesa ncebwamucitila! Bwamulengesha kuyandishisha, ayi mucite akutondesha ayi tamucite mulandu. Mwakakalala abuumbi alimwi mwakalinga kuloondete paceeco cakacitika. Bwakamulengesha kuyanda kumbona akupa mulandu wooyo wakabisha kweelana ambwaaelete. Ono mucikani coonse ici mwatondesha ayi tamucite mulandu.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

1 Bene Tesalonika 3:7

Paceebo ceeco nobamakwesu, lushomo lwanu ndomucite muli Jesu lwatulengesha kuyumya myoyo mukuungumana amumapensho esu oonse.

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

1 Timoti 2:15

Sombi mwanakashi ulaakupulushikwa kwiinda mukushala baana, na watolelela kushoma, kuba alusuno, kunoosalalite alimwi akulibombya.

1 Timoti 4:6

Na weeisha bashominyoko shintu ishi ulaakuba musebenshi mubotu wakwe Klistu Jesu, ulishikwa mumushimu amaswi alushomo lwesu alimwi akwiisha kwa lushinisho uko nkowakakonkela.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

2 Timoti 2:24

Musebenshi wa Mwaami teelete kwaambana abantu. Ulyeelete kunyumfwa nkumbu kubantu boonse, kuba mufundishi wiisha kabotu camoyonteeka,

2 Timoti 4:5

Sombi webo lilame mushiindi sha mushobo uli woonse, koyuma mumakatasho, cita mulimo wakushimikila Makani Abotu akucita milimo yako yoonse kweelana amusebenshi wakwe Lesa.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Ciyubululo 1:9

Ndime Joni mukwabanu alimwi muli Jesu ndi pantu pomwi amwebo mukupenshekwa, mubwaami alimwi amukutolelela kushoma mumapensho. Ndakawaalwa pansumbu ino ya Patimosi ceebo ndakashimikila maswi akwe Lesa alimwi alushinisho Jesu ndwaakayubulula.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.