2 Bene Kolinto 6:17 - Baibo Busansulushi Bwa Libuku Ili

¹⁷ Aboobo Lesa wakaamba ayi, “Amuswe pakati ka bakunsengwe, mwikale amwebo nweenka. Mutacati cintu citasalalite, lyalo ndaakumutambula.

2 Bene Kolinto 6:17 ပူးပေါင်းရင်းမြစ်များ

Esila 10:11

Anu amulyaambilile shibiibi kuMwaami Lesa, Lesa wa bamashali banu bakulukulu akucita shimusangalasha. Amulitalamushe kubantu mbomwikalaabo akubamakaanu baswamashi.”

Esila 6:21

Bene Isilaeli abo bakaswa mucishi ca busha mbobakabalya pantu pomwi abaabo boonse bakacileka kukonkela shintu shibiibi shalinga kucita bantu abo bakalinga kwikala mucishi cilya, akutalika kulambila Mwaami Lesa, Lesa wa bene Isilaeli.

Tushimpi 9:6

Amuleke nshila shanu shakubula maano ayi mube abuumi. Amweendele munshila ya maano akunyumfwisha shintu.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Jelemiya 15:17

Nebo nshindakalinga kulitiba mulikoto lya beshikusekelela nabi kunoolisangalasha pantu pomwi ambabo. Nebo ndakalinga kwikalabo neenka ceebo lyaansa lyanu lyakalinga pali ndime. Ncakwiila lyaansa lyanu lyakansusha bukali.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Shakubelenga 16:21

“Amusoonoke bantu aba kwaamba ayi mbanyonyoole bweenka bulya.”

Shakubelenga 16:26

Mpeeke wakaambila bantu ayi, “Amusoonoke misumba ya bamucita shibi aba! Tamweelete kukumya cintu cabo nabi comwi, mukwiinga amwebo inga mwanyonyweetwa kumwi ceebo ca shibiibi shabo.”

Shakubelenga 16:45

“Amusoonoke kwaamba ayi bantu aba mbanyonyoole peenka apa!” Ono boonse bobilo bakafukama cakushisha shiwa panshi.

Milimo ya Batumwi 2:40

Pita wakatolelela kubaambila maswi amwi aanji akubacenjeshaako kaamba ayi, “Amulipulushe kumapensho ayo eshi akacitikile bamucita shibi ba cecino ciindi!”

Bene Loma 15:7

Anu amutambulane camaansa obilo bweenka Klistu mbwaakamutambula kwaamba ayi mulemeke Lesa.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Dutolonomi 14:6

Mulakonsha kulya banyama boonse bapanseene shoondo, batikula shakulya akushitafuna alimwi.

Ciyubululo 18:4

Mpomunyaawo ndakanyumfwa liswi limwi kuswa kwiculu lyakwaamba ayi, “Amusweemo nobantu bangu! Amuswe muli nguwe! Tamweelete kubisha pantu pomwi anguwe, alimwi tamweelete koomboloshekwa akupekwa mulandu mbuli nguwe!