2 Bene Kolinto 5:9 - Baibo Busansulushi Bwa Libuku Ili

⁹ Sombi ncetusuni, nkucita shikondelesha Mwaami mumubili uno nabi mumubili wa kwiculu.

2 Bene Kolinto 5:9 ပူးပေါင်းရင်းမြစ်များ

Matalikilo 4:7

Necalinga cakwaamba ayi wacita cintu ciluleme naakwiinga walinga kusangalete. Ono ceebo cakwaamba ayi wacita citaluleme, cibiibi citookupensha mumoyo. Citooyanda kwaamba ayi cikweendeleshe sombi ulyeelete kucikoma.”

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

Milimo ya Batumwi 10:35

sombi ulatambula muntu uli woonse uyo umulambila akucita shiluleme, cakutalisukama amushobo wa muntu uyo.

Bene Loma 14:18

Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.

Bene Loma 14:8

Na katuli boomi, tulekalila Mwaami alimwi na twafwa, tulafwa ceebo ca Mwaami. Na katuli boomi nabi twafwa, tuli ba Mwaami.

Bene Loma 15:20

Lyoonse ndisuni bunene kushimikila Makani Abotu mumisena bantu mobatana kunyumfwaawo kale shapali Klistu kwaamba ayi ntakatoleleli mulimo wakatalika umwi muntu.

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

2 Bene Kolinto 5:6

Aboobo lyoonse tatucite boowa alimwi tulishi kwaamba ayi mubili uyu wa buntu ndyoocili anga niŋanda yesu, tatutookala pantu pomwi aMwaami.

2 Bene Kolinto 5:8

Ncakwiila tatucite boowa, ono ncetusuni bunene ncakwaamba ayi tuswe mumubili uno akuya mukwikala aMwaami.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 1:29

Kwaamba ayi cicitike ici, ndasebensa abuumbi kwiinda munkusu shakwe Klistu isho shisebensa cankusu muli ndime.

1 Bene Tesalonika 4:1

Cakweelaako nobamakwesu, mwebo mwakeeya kuswa kuli ndiswe makani aamba mbomweelete kwikala buumi bukondelesha Lesa alimwi ncakwiila mbomwikala. Ono bulya twamusenga camaansa obilo muMwaami Jesu kwaamba ayi mwiindilisheewo apo

1 Bene Tesalonika 4:11

Muyeeyo wanu lyoonse aube wakwikala buumi bwa luumuno, kwiilibala ncootoocita akulicanina shiyandika bweenka mbotwakamulwiitawo kale.

1 Timoti 4:10

Nceceeco ncetusebensela cankusu akulwisha ceebo kulangila kwesu kuli muli Lesa muumi, uyo ngomupulushi wa bantu boonse, bunene bunene abo bashoma.

Bene Ebulu 12:28

Alimwi ceebo tulatambula bweene ubo butatenkaanishikwi, tulyeelete kulumba Lesa, kumulambila munshila imukondelesha alimwi akumulemeka abuumbi.

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.