2 Bene Kolinto 5:16 - Baibo Busansulushi Bwa Libuku Ili

¹⁶ Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

2 Bene Kolinto 5:16 ပူးပေါင်းရင်းမြစ်များ

Shakubelenga 10:30

Obabu wakakumbula ayi, “Sobwe, nebo ntooboolela kucishi cine misheesu.”

Mateyo 10:37

“Uyo woonse usuni baishi nabi banyina kwiinda ndime, taaelete kuba shikwiiya wangu. Uyo woonse usuni mwanaakwe musankwa nabi mwanakashi kwiinda ndime, taaelete kuba waangu.

Joni 15:14

Na kamukonkela kwiisha kwangu, nkokwaamba ayi muli babyaanji.

Joni 2:4

Jesu wakakumbula ayi, “Ma, ino mutooyanda ayi ncite buyani nebo? Ciindi cangu tacina kushikila.”

Joni 6:63

Cipa buumi nguMushimu Usalashi. Nkusu sha muntu mwiine taaku mboshibete napaceyi. Maswi ngondamulwiita alaleta Mushimu Usalashi upa buumi.

Joni 8:15

Mwebo muloombolosha muntu kwiinda mubuntu, sombi nebo nshoomboloshi muntu nabi womwi.

2 Bene Kolinto 11:18

Bantu baanji balalilumbaisha mubuntu bwabo, anebo andilumbaisheewo yaaya!

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.

Bene Filipi 3:4

Teshi kwaamba ayi nebo ndabuula cintu cakusangalalilaamo. Na kuli muntu uyeeya ayi ulicite shintu sha mushobo uyo, nebo ndamwiindaawo.

Bene Kolose 3:11

Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

1 Samwelo 2:29

Ono ceebonshi tootoolemeka milambu ashipo bantu bangu nshibeelete kupa ndime? Ino nceebonshi webo Eli ulalemeka bana bako kwiinda ndime mukubaleka ayi baliinishe beene ceebo cakulya shipansha shiindaawo kubota sha milambu yoonse bantu njebabenga kuli ndime?