2 Bene Kolinto 5:11 - Baibo Busansulushi Bwa Libuku Ili

¹¹ Ono tulishi ayi Mwaami ulyeelete kulemekwa, aboobo tuleelesha kunyengelela bantu. Lesa ulishi shoonse shapali ndiswe alimwi ndashoma kwaamba ayi amwebo mulinshi mumyoyo yanu.

2 Bene Kolinto 5:11 ပူးပေါင်းရင်းမြစ်များ

Matalikilo 35:5

Jakobo abana bakwe ndibakalinga kunyamuka, bantu ba mumandabala akalinga pafwaafwi bakanyumfwa boowa buswa kuli Lesa. Aboobo tabakwe kubakonkela ayi babalwaane.

Jobo 18:11

“Shiyoosha shitoomulindila kumbasu shoonse. Shilamukonkela kuli koonse nkweenga waya.

Jobo 31:23

Ceebo Lesa ndamuloonda abuumbi, inga nshicicitiwo ca mushobo uyo.

Jobo 6:4

Mifwi yakwe Lesa Shinkusu shoonse ilinjasite. Bukali bwa njiyo butokweendeenda mumubili. Shintu shiyoosha shakwe Lesa sheelekwa kuli ndime.

Kulumbaisha 73:19

Balaakunyonyoolwa cakufwambaana, lufu luyoosha lulaakubapyanga boonse!

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Kulumbaisha 90:11

Anu ngani ushi nkusu sha bukali bwanu? Muntu uleendaawo kumuloonda na weshiba bukali bwanu mbobubete.

Isaya 19:16

Ciindi cilaakushikila bene Ijipiti ndyeshi bakabe boowa anga mbanakashi. Balaakututuma kuboowa baakubona ayi ndyaansa lya Mwaami Lesa Shinkusu shoonse lyabaletela mapensho.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Mateyo 10:28

Mutaloondi baabo bacayabo mubili, sombi tabacikoonshi kucaya muuya. Amuloonde Lesa ukonsha kucaya mubili amuuya woonse mumulilo utamaani.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Luka 12:5

Ono ntoomutondesha wooyo ngomweelete kuloonda. Amuloonde Lesa uyo weenga amana kucaya mubili ulicite nkusu shakuuwaala mumulilo utamaani. Ee, ntoomwaambila ayi amumuloonde.

Luka 16:31

Abulaamu wakamwaambila ayi, ‘Na tabanyumfwili Mose abalaluki bakulukulu, teshi bakanyumfwe nabi umwi wabuka kuswa kubafu.’ ”

Milimo ya Batumwi 13:43

Bantu ndibakapalangana, baJuda baanji alimwi abaswamashi bakunsengwe, abo bakalinga kukonkela kwiisha kwa baJuda, bakakonkela Paulo aBanabasi. Lyalo aba bobilo bakalwiita likoto ilyo maswi akubayuminisha ayi batolelele kwikala muluse lwakwe Lesa.

Milimo ya Batumwi 18:13

Lyalo bakaamba ayi, “Uyu musankwa utooyungoola bantu ayi banoolambila Lesa munshila ikashikwa amulawo wesu!”

Milimo ya Batumwi 18:4

Lyoonse pabushiku bwakookesha bwa Cibelu, Paulo wakalinga kubandika cankusu abantu mushoonde sha baJuda kwaamba ayi mpashi baJuda abaGiliki inga bashoma Makani Abotu.

Milimo ya Batumwi 19:26

Mutoobona akulinyumfwila nobeene shintu shitoocita wooyu Paulo. Utokwaamba ayi balesa babumbwa abantu teshi balesa, sobwe. Aboobo walengesha ayi bantu baanji batalike kushoma musheesho nshaatokwaamba muno muEfeso alimwi amucishi coonse ca Esha.

Milimo ya Batumwi 26:26

Baami baAgilipa balishi shoonse nshentokwaamba, aboobo ncentokwaambila cakutashisaawo nabi comwi. Ndishinishite kwaamba ayi taaku cintu nabi comwi ncebateshi ceebo makani aya taakwe kucitikila kumapela.

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

2 Bene Kolinto 2:17

Tatubete mbuli bamwi baanji bashimikila maswi akwe Lesa anga batoocitabo makwebo mwakucanina shiyandika mubuumi. Sombi ceebo Lesa wakatutuma, tulashimikila cakushomeka pameenso akwe, mukwiinga tuli muli Klistu.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

Bene Efeso 5:21

Ceebo mulalemeka Klistu, mulyeelete kunyumfwana.

Bene Ebulu 10:31

Ncintu ciloondesha abuumbi kulokela mumaansaakwe Lesa muumi!

Bene Ebulu 12:29

Mukwiinga Lesa wesu ncakwiila ngumulilo unyonyoola.

Judi 1:23

Bamwi amubayokole mumulilo utamaani akubapulusha. Kuli bamwi beendeleshekwa ashiyanda mibili yabo shibiibi, amubanyumfwile nkumbu. Sombi mulyeelete kucenjela kwaamba ayi mutakoweli abuumi bwa bubi.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.