2 Bene Kolinto 5:1 - Baibo Busansulushi Bwa Libuku Ili

¹ Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.

2 Bene Kolinto 5:1 ပူးပေါင်းရင်းမြစ်များ

Matalikilo 3:19

Ulaakunoosebensa cankusu akuyuwa kwaamba ayi muswe shakulya mubulongo, kushikila ukaboolele kubulongo nkowakaswita. Mukwiinga wakalengwa kuswa kubulongo, alimwi ulaakuboolela kubulongo.”

Jobo 30:22

Mulanyamuna akapupuulwa kanu, mulanyempoosha mucipuupu canu cibiibi.

Jobo 4:19

Ino inga ceela kuli kubantu bakaswa kubulongo, abo bakaswabo kulusuko bashanyonwabo anga nkabambala?

Kulumbaisha 56:9

Lyalo balwani bangu balaakupilukaamo kuboowa, bushiku ndaakupaila kuli ndimwe. Ncendabilite ncakwaamba ayi Lesa uli kulubasu lwangu.

Isaya 38:12

Buumi bwangu bwakasutulwa anga nitente yamwayululwa nabi anga ncisani casutulwa kucakutungisha. Ncakwiila ndakalinga kuyeeya ayi Lesa utoomanisha buumi bwangu.

Maako 14:58

“Uyu muntu twakamunyumfwa kaamba ayi, ‘Nebo ndaakumwaya Ŋanda yakwe Lesa iyi yakayakwabo abantu alimwi munshiku shotatwe, ndaakuyaka imwi yeshi ikabule kuyakwa abantu.’ ”

Milimo ya Batumwi 7:48

“Nakubi boobo Lesa wa kwiculu Wiindaawo taakali mumaanda ayakwa abantu. Kweelana abwakaamba mulaluki mukulukulu ayi,

1 Bene Kolinto 3:9

Swebo soonse tuli basebenshi bakwe Lesa, mwebo muli muunda wakwe. Alimwi muli Ŋanda yakwe Lesa.

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.

2 Bene Kolinto 5:4

Nditwikala munkunka iyi tulatongela mumapensho. Teshi kwaamba ayi tulisuni kufuula nkunka iyi, sombi tulisuni kwaamba ayi tufwalikwe ŋanda yesu ya kwiculu iyo kwaamba ayi ico cifwa cisandulwe akuba cabuumi butamaani.

Bene Kolose 2:11

Muli nguwe mwebo mwakapalulwa, kuteshi kupalulwa kucitikwa abantu, sombi kupalulwa kucitwa aKlistu umo mucanika kwaangululwa munkusu sha buntu bubiibi.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

Bene Ebulu 11:10

Mukwiinga Abulaamu wakalinga kulangila ndabala inene amaanda acite lwiimbi lutamaani, iyo Lesa mwiine njaakayeeya mbweshi ikabe alimwi akuyaka.

Bene Ebulu 9:11

Sombi Klistu wakaba kale Mupailishi Munene wa shintu shibotu shiliiwo bulya. Tente njaasebenselaamo njabulemu alimwi teecite kampenda. Teshi bantu bakeeyaka alimwi tente iyi teshi ya mucishi ca panshi.

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

1 Pita 1:4

Alimwi tutoolangila ayi tukatambule shipo isho Lesa nshaakabambila bantu bakwe. Utoomubambila kabotu kwiculu, uko nkweshi shikabule kubola, kunyonyooka nabi kubunda.

2 Pita 3:11

Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.

1 Joni 3:14

Tulishi kwaamba ayi twakaswa mulufu akwinjila mubuumi ceebo tulisunene. Uyo utasuni mubye ucili mulufu.

1 Joni 3:19

Anu mboboobo mbweenga tweshiba ayi tuli kulubasu lwa lushinisho alimwi ayi inga tweemikana pameenso akwe Lesa cakubula boowa.

1 Joni 3:2

Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.