2 Bene Kolinto 4:11 - Baibo Busansulushi Bwa Libuku Ili

¹¹ Mubuumi bwesu boonse tulaboolelabo pakalindi ceebo cakwe Klistu, kwaamba ayi buumi bwakwe buboneke mumibili yesu ifwa.

2 Bene Kolinto 4:11 ပူးပေါင်းရင်းမြစ်များ

Kulumbaisha 141:7

Lyalo balaakwaamba ayi, “Bweenka mbuli tupapaansha mbotupalangana pakupasoola nkuni, mbweeke ubo mafuwa esu mbweshi akapalangane mucuumbwe.”

Kulumbaisha 44:22

Ceebo ca ndimwe tulacaikwa bushiku abushiku, ee, nceebo ca ndimwe ncetutoocitilwa anga nimbelele shakucaya.

Bene Loma 8:11

Na Mushimu wakwe Lesa uyo wakabusha Jesu Klistu kuswa kubafu uli muli ndimwe, anu Lesa eenka uyo wakabusha Klistu kuswa kubafu, ulaakubusha mibili yanu ifwa kwiinda muMushimu wakwe uli muli ndimwe.

Bene Loma 8:36

Kweelana ambokulembetwe muMalembo akwe Lesa ayi, “Lyoonse bantu balapinga kutucaya ceebo ca ndimwe alimwi bantu balatucita anga nimbelele nshebatooya mukucaya.”

1 Bene Kolinto 15:31

Nobamakwesu nebo lyoonse ndapulukila kwempe kubantu! Calengesha ayi ŋambe boobo, nkukondwa nkoocite ceebo canu mukuba pomwi aKlistu Jesu Mwaami wesu.

1 Bene Kolinto 15:49

Ono bweenka mbotwakakosha wooyo wakaswa kubulongo, mbweshi tukakoshe wooyo wakaswa kwiculu.

2 Bene Kolinto 4:10

Lyoonse tuleenda alufu lwakwe Jesu mumibili yesu, kwaamba ayi abwalo buumi bwakwe buboneke mumibili yesu.

2 Bene Kolinto 4:12

Nkokwaamba ayi kuli ndiswe lufu lutokweendelabo mumaansa, sombi mwebo mbuumi.

2 Bene Kolinto 5:4

Nditwikala munkunka iyi tulatongela mumapensho. Teshi kwaamba ayi tulisuni kufuula nkunka iyi, sombi tulisuni kwaamba ayi tufwalikwe ŋanda yesu ya kwiculu iyo kwaamba ayi ico cifwa cisandulwe akuba cabuumi butamaani.

2 Bene Kolinto 6:9

Balatucita anga tatushibikitwe nakubi kwaamba ayi tulishibikitwe abuumbi. Balatubona anga mbantu bafwite, sombi tuli boomi. Nakubi kwaamba ayi tulapenshekwa cankusu, tabatucaayi.